ജാമിയ മില്ലിയ ഇസ്ലാമിയ യൂണിവേഴ്സിറ്റി വിദ്യാര്ത്ഥികള്ക്കെതിരായ പൊലീസ് അതിക്രമത്തില് രൂക്ഷവിമര്ശനവുമായി എഴുത്തുകാരന് ചേതന് ഭഗത്; യുവാക്കളുടെ ക്ഷമ സര്ക്കാര് പരീക്ഷിക്കരുത് എന്നായിരുന്നു അദ്ദേഹം ട്വിറ്ററില് കുറിച്ചത്
ഇന്ത്യയുടെ സമ്പദ് വ്യവസ്ഥ തകര്ത്തിരിക്കുന്നു. തൊഴില് കാണാന് പോലും ഇല്ലാതായി. ഇന്റര്നെറ്റ് അടക്കം റദ്ദ് ചെയ്തിരിക്കുന്നു. യൂണിവേഴ്സിറ്റി ലൈബ്രററികളിലേക്ക് പൊലീസിനെ അയക്കുന്നു. യുവാക്കള് ചിലപ്പോള് ക്ഷമ കാണിച്ചെന്നിരിക്കാം. എന്നാല് അവരുടെ ക്ഷമയെ പരീക്ഷിക്കരുത്-എന്നായിരുന്നു ചേതന് ഭഗത് ട്വീറ്റ് ചെയ്തത്.
രാജ്യവ്യാപകമായി പൗരത്വഭേദഗതി നിയമത്തിനെതിരെ കനത്ത പ്രതിഷേധം ഉയരുകയാണ്. അതേസമയം
പൗരത്വ ഭേദഗതി നിയമത്തിനെതിരെ പ്രതിഷേധം നടത്തിയ ജാമിയ മില്ലിയ ഇസ്ലാമിയ സര്വകലാശാലയിലെ വിദ്യാര്ഥികള്ക്കു നേരെ പൊലീസ് ക്രൂരമായ അതിക്രമമായിരുന്നു കഴിഞ്ഞ ദിവസം രാത്രി നടത്തിയത്. പൊലീസ് സര്വകലാശാലാ കാമ്പസില് കയറി നടത്തിയ അക്രമത്തെത്തുടര്ന്ന് നിരവധി വിദ്യാര്ഥികള്ക്കാണു ഗുരുതരമായ പരിക്കേറ്റത്.
അക്രമങ്ങളില് പ്രതിഷേധിച്ച് ദല്ഹി പൊലീസ് ആസ്ഥാനത്ത് വിദ്യാര്ഥികള് പ്രതിഷേധിച്ചിരുന്നു. ജെ.എന്.യു, ജാമിയ വിദ്യാര്ഥികളാണ് ഇന്നലെ രാത്രി മുഴുവന് പ്രതിഷേധിച്ചത്. ജാമിയ വിദ്യാര്ത്ഥികള്ക്ക് പിന്തുണയുമായി ബനാറസ് യൂണിവേഴ്സിറ്റിയിലേയും അലിഗഡ് യൂണിവേഴ്സിറ്റിയിലേക്കും വിദ്യാര്ത്ഥികള് രംഗത്തെത്തിയിരുന്നു.
കേരളത്തിലും ശക്തമായ പ്രതിഷേധങ്ങള് നടക്കുന്നുണ്ട്. കോഴിക്കോട് ഫ്രറ്റേണിറ്റി പ്രവര്ത്തകര് ആകാശവാണിയിലേക്ക് പ്രതിഷേധ പ്രകടനം നടത്തി. കോഴിക്കോട് റെയില്വേ സ്റ്റേഷനില് ഡി.വൈ.എഫ്.ഐ പ്രവര്ത്തകര് ട്രെയിന് തടയുകയും പ്രതിഷേധ പ്രകടനം നടത്തുകയും ചെയ്തു. കെ.എസ്.യു, എം.എസ്.എഫ് പ്രവര്ത്തകരും പ്രതിഷേധവുമായി രംഗത്ത് ഉണ്ട്.
‘പൗരത്വ ഭേദഗതി ബില്ലും എന്.ആര്.സിയും ധ്രുവീകരണത്തിനു വേണ്ടി ഇന്ത്യക്കു മേല് ഫാസിസ്റ്റുകള് കെട്ടഴിച്ചുവിട്ട ആയുധങ്ങളാണ്. ഇത്തരം വൃത്തികെട്ട ആയുധങ്ങള്ക്കെതിരെയുള്ള ഏറ്റവും മികച്ച പ്രതിരോധം സമാധാനപരവും അഹിംസാപരവുമായ സത്യാഗ്രഹമാണ്.
പൗരത്വ ഭേദഗതി ബില്ലിനും എന്.ആര്.സിക്കുമെതിരെ സമാധാനപരമായ പ്രതിഷേധിക്കുന്ന എല്ലാവരോടും ഞാന് ഐക്യപ്പെടുന്നുഎന്ന് .’രാഹുൽഗാന്ധിയും ട്വീറ്റ് ചെയ്തിട്ടുണ്ട് വിദ്യാര്ഥികള്ക്കു പിന്തുണയുമായി എ.ഐ.സി.സി ജനറല് സെക്രട്ടറി പ്രിയങ്കാ ഗാന്ധി നേരത്തേ രംഗത്തെത്തിയിരുന്നു.
https://www.facebook.com/Malayalivartha
