നാനാത്വത്തില് ഏകത്വമാണ് ഇന്ത്യയുടെ ഭാരതത്തിന്റെ ശക്തിയെന്നു പ്രധാനമന്ത്രി നരേന്ദ്ര മോദി... ഡല്ഹിയില് രാംലീല മൈതാനിയില് ഡല്ഹിയിലെ നിയമസഭാ തെരഞ്ഞെടുപ്പു പ്രചാരണത്തിനു തുടക്കംകുറിച്ചുള്ള ബിജെപി റാലിയില് സംസാരിക്കുകയായിരുന്നു അദ്ദേഹം
നാനാത്വത്തില് ഏകത്വമാണ് ഇന്ത്യയുടെ ഭാരതത്തിന്റെ ശക്തിയെന്നു പ്രധാനമന്ത്രി നരേന്ദ്ര മോദി. ഡല്ഹിയില് രാംലീല മൈതാനിയില് ഡല്ഹിയിലെ നിയമസഭാ തെരഞ്ഞെടുപ്പു പ്രചാരണത്തിനു തുടക്കംകുറിച്ചുള്ള ബിജെപി റാലിയില് സംസാരിക്കുകയായിരുന്നു അദ്ദേഹം. ഇന്ത്യയുടെ ഐക്യവും അഖണ്ഡതയും നാനാത്വത്തില് ഏകത്വം എന്ന തത്വത്തില് ഊന്നിയാണ്. അതാണു രാജ്യത്തിന്റെ ശക്തി.
ഡല്ഹിയിലെ കോളനികള് നിയമപരമാക്കിയപ്പോള് ആരുടെയും മതം ചോദിച്ചില്ല. അവരുടെ രാഷ്ട്രീയം ചോദിച്ചില്ല. ജനങ്ങളുടെ അവകാശങ്ങള് എടുത്തുകളയുകയാണു ഞാനെന്ന തരത്തിലുള്ള വ്യാജ പ്രചാരണങ്ങള് രാജ്യം സ്വീകരിക്കാന് പോകുന്നില്ലെന്നും മോദി പറഞ്ഞു.ലോക്സഭയും രാജ്യസഭയും പൗരത്വ ഭേദഗതി നിയമം പാസാക്കി. ജനവിധിയാണു പാര്ലമെന്റില് നടപ്പായത്. ഇതിനെ രാജ്യത്തെ ജനങ്ങള് ബഹുമാനിക്കേണ്ടതുണ്ട്.
പാര്ലമെന്റിലെ ജനപ്രതിനിധികളെ ബഹുമാനിക്കുന്നവര്ക്കൊപ്പമാണ് താന്. എന്നാല് ചില രാഷ്ട്രീയ കക്ഷികള് കിംവദന്തികള് പ്രചരിപ്പിക്കുകയാണെന്നും പ്രധാനമന്ത്രി പറഞ്ഞു. പൗരത്വ ഭേദഗതി നിയമത്തിലൂടെ സര്ക്കാര് ആരുടെയും അവകാശം ഇല്ലാതാക്കുന്നില്ല. മതം നോക്കിയല്ല സര്ക്കാര് വികസനം നടത്തുന്നത്. ജനങ്ങളുടെ ജാതിയോ മതമോ ഞങ്ങള് ഒരിക്കലും ചോദിച്ചിട്ടില്ല. ജനങ്ങളുടെ ദാരിദ്യ്രം ഇല്ലാതാക്കുക മാത്രമായിരുന്നു സര്ക്കാരിന്റെ ലക്ഷ്യം.
"
https://www.facebook.com/Malayalivartha
