പാര്ട്ടിക്കുള്ളില് എതിർപ്പ് രൂക്ഷം ; പൗരത്വ'ത്തിൽ ബിജെപി പിന്നോട്ട്..?
ദേശീയ പൗരത്വ റജിസ്റ്റര് ഉടന് നടപ്പാക്കില്ലെന്ന സൂചനകളാണ് പുറത്തവരുന്നത് . ധൃതി പിടിച്ച് എന്ആര്സി നടപ്പാക്കും എന്ന പ്രതീതി ഒഴിവാക്കാനാണ് ബിജെപി ശ്രമിക്കുന്നത് . എന്ആര്സി രാജ്യമാകെ നടപ്പാക്കുമെന്ന അമിത് ഷായുടെ പ്രഖ്യാപനത്തെ പ്രധാനമന്ത്രി നരേന്ദ്രമോദി തന്നെ തിരുത്തിപ്പറഞ്ഞത് ഇതിന്റെ തെളിവായി വിലയിരുത്തപ്പെടുന്നു. ജാര്ഖണ്ഡിലെ തിരഞ്ഞെടുപ്പ് റാലിയില് അമിത് ഷാ നടത്തിയ പ്രഖ്യാപനമാണ് ഡല്ഹി രാംലീല മൈതാനത്തെ റാലിയില് മോദി തിരുത്തിയത്.
എന്ഡിഎ ഘടകകക്ഷികളിലും ബിജെപിക്കുള്ളിലും ഉയരുന്ന എതിര്പ്പാണ് ഇതിന് കാരണം. പാര്ട്ടിയില് കാര്യമായ ചര്ച്ചയില്ലാതെയാണ് വലിയ തീരുമാനങ്ങള് എടുക്കുന്നതെന്ന വിമര്ശനവും ശക്തമാണ്. അസമില് നേരത്തെ പ്രഖ്യാപിച്ച എന്ആര്സി രാജ്യവ്യാപകമാക്കും എന്ന പ്രഖ്യാപനം തിരഞ്ഞെടുപ്പ് റാലികളില് പ്രഖ്യാപിച്ചത് ശരിയായില്ലെന്നാണ് പാര്ട്ടി വിലയിരുത്തല്.
https://www.facebook.com/Malayalivartha