ജയിലില് പ്രവര്ത്തിക്കുന്ന താത്കാലിക തടങ്കല്പ്പാളയത്തില് 11 ദിവസത്തെ തടവുജീവിതം; സൈന്യത്തില്നിന്നു വിരമിച്ചശേഷം മുഹമ്മദ് സനാവുള്ളയെകാത്തിരുന്നത്...
സൈന്യത്തില്നിന്നു വിരമിച്ചശേഷം മുഹമ്മദ് സനാവുള്ളയെകാത്തിരുന്നത്. രാജ്യത്തിനുവേണ്ടി പോരാടി മികച്ച സേവനത്തിന് രാഷ്ട്രപതിയുടെ കൈയില്നിന്ന് സാക്ഷ്യപത്രം നേടി വിരമിച്ച സൈനികന്, താന് ഇന്ത്യക്കാരനല്ലെന്ന് ഫോറിനേഴ്സ് ട്രിബ്യൂണല് വിധിച്ചതുകേട്ട് ഞെട്ടി. തുടര്ന്ന് ഗ്വാല്പാഡയിലെ ജില്ലാ ജയിലില് പ്രവര്ത്തിക്കുന്ന താത്കാലിക തടങ്കല്പ്പാളയത്തില് 11 ദിവസത്തെ തടവുജീവിതം.
ഞാനും ന്റെ പിതാവും ഇന്ത്യക്കാരാണ്. അതിന്റെ രേഖകള് മുഴുവന് ഫോറിനേഴ്സ് ട്രിബ്യൂണലില് ഹാജരാക്കി. രാഷ്ട്രപതിയുടെ സാക്ഷ്യപത്രമുള്പ്പെടെ സൈനിക ജോലിയുമായി ബന്ധപ്പെട്ട എല്ലാ രേഖകളും കൊടുത്തു. എന്നിട്ടും അവര് അംഗീകരിച്ചില്ല. വിദേശിയാണെന്നു വിധിച്ചു'' -ഗുവാഹാട്ടി നഗരത്തിലെ വീട്ടിലിരുന്ന് അമാനുള്ള പറയുമ്പോള് സമയം സന്ധ്യകഴിഞ്ഞിരുന്നു.
മേയ് 27-നാണ് ഫോറിനേഴ്സ് ട്രിബ്യൂണല് സനാവുള്ളയുടെ പൗരത്വത്തില് വിധികല്പിച്ചത്. 28-ന് താത്കാലിക തടങ്കല്പ്പാളയത്തിലടച്ചു. സനാവുള്ളയും കുടുംബവും ഗുവാഹാട്ടി ഹൈക്കോടതിയിലെത്തി. ജൂണ് ഏഴിന് ഹൈക്കോടതി ജാമ്യമനുവദിച്ചു. 20,000 രൂപയുടെ ജാമ്യത്തിലും രണ്ട് ആള്ജാമ്യത്തിലുമാണ് വിട്ടത്. 2008-ലാണ് സനാവുള്ളയുടെ പൗരത്വം സംബന്ധിച്ച കേസ് തുടങ്ങുന്നത്. ആ സമയത്ത് കരസേനയുടെ ഇ.എം.ഇ. വിഭാഗത്തില് ക്ലര്ക്കായിരുന്നു അദ്ദേഹം. ഇങ്ങനെ ഒരു കേസുണ്ടായ കാര്യം സനാവുള്ള അറിഞ്ഞില്ല. 2019-ല് ഗ്വാല്പാഡ ജില്ലയിലെ കോലോഹിക ഗ്രാമത്തിലെ തറവാട്ടില് പോലീസ് എത്തിയപ്പോഴാണ് കേസിനെക്കുറിച്ച് അദ്ദേഹവും കുടുംബവും അറിയുന്നത്. പൗരത്വപ്പട്ടികയില് സനാവുള്ളയുടെ പേരില്ല. സൈന്യത്തില്നിന്നു വിരമിച്ചശേഷം അസം പോലീസില് ജോലിചെയ്യുകയായിരുന്നു അപ്പോള് അദ്ദേഹം. എസ്.ഐ.യുടെ നിര്ദേശപ്രകാരം പോലീസ് സ്റ്റേഷനിലും ട്രിബ്യൂണലിലും സനാവുള്ള പൗരത്വരേഖകള് ഹാജരാക്കി. മൂന്നു സഹോദരര് ഇന്ത്യന് പൗരര്
കുടുംബത്തില് തനിക്കെതിരേ മാത്രമാണ് കേസെന്ന് സനാവുള്ള പറഞ്ഞു. മൂന്നു സഹോദരന്മാര്ക്കും പൗരത്വപ്രശ്നമില്ല. ഇക്കാര്യവും ട്രിബ്യൂണലില് പറഞ്ഞു. എന്നാല്, ഒന്നും അംഗീകരിച്ചില്ല. അസം പോലീസില് സനാവുള്ളയ്ക്കൊപ്പമുണ്ടായിരുന്ന മുതിര്ന്ന ഉദ്യോഗസ്ഥര്തന്നെയാണ് തടങ്കല്പ്പാളയത്തിലേക്കു കൊണ്ടുപോയത്. അന്നുതന്നെ അസം പോലീസില്നിന്ന് സസ്പെന്ഷന് ഉത്തരവും വന്നു. ട്രിബ്യൂണല് വിധിയുടെ അടിസ്ഥാനത്തിലായിരുന്നു സസ്പെന്ഷന്. കേസ് നീണ്ടുപോകും, അതുവരെ മറ്റൊരു ജോലിയും ചെയ്യാനാവില്ല -നിസ്സഹായതയോടെ സനാവുള്ള പറഞ്ഞു.
https://www.facebook.com/Malayalivartha