നിങ്ങൾ നിങ്ങളുടെ കാര്യം നോക്ക് കരസേനാ മേധാവിക്ക് ചിദംബരത്തിന്റെ മാസ്സ് മറുപടി; കോണ്ഗ്രസിന്റെ സ്ഥാപക ദിനത്തില് തിരുവനന്തപുരത്ത് കെ.പി.സി.സി നടത്തിയ മഹാറാലിയോട് അനുബന്ധിച്ചുള്ള പ്രതിഷേധ സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം
പൗരത്വ ഭേദഗതി നിയമത്തിനെതിരെ രാജ്യത്തു നടക്കുന്നതു വഴിതെറ്റിയ സമരങ്ങളാണെന്ന കരസേനാ മേധാവി ബിപിന് റാവത്തിന്റെ പ്രസ്താവന വൻ വിമര്ശനങ്ങൾക്കു വഴിതെളിച്ചിരുന്നു. ഈ സാഹചര്യത്തിൽ ബിപിൻ റാവത്തിനു കുറിക്കു കൊള്ളുന്ന മറുപടിയുമായാണ് കോണ്ഗ്രസ് നേതാവ് പി. ചിദംബരത്തിന്റെ കേരളത്തിലേക്കുള്ള മാസ്സ് എൻട്രി . ഈ നാടിന്റെ രാഷ്ട്രീയം ഞങ്ങള് നോക്കിക്കോളാമെന്നും നിങ്ങളുടെ കാര്യം നിങ്ങള് നോക്കിയാല് മതിയെന്നും ചിദംബരം തുറന്നടിച്ചു.
കോണ്ഗ്രസിന്റെ സ്ഥാപക ദിനത്തില് തിരുവനന്തപുരത്ത് കെ.പി.സി.സി നടത്തിയ മഹാറാലിയോട് അനുബന്ധിച്ചുള്ള പ്രതിഷേധ സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
പൗരത്വ ഭേദഗതി നിയമത്തിനെതിരെ സമരത്തിലുള്ളത് മുസ്ലിങ്ങള് മാത്രമല്ലെന്നും അദ്ദേഹം അഭിപ്രായപ്പെട്ടു.
കേന്ദ്ര സര്ക്കാരിനെതിരെയും അദ്ദേഹം ആഞ്ഞടിച്ചു. ‘മൂന്നില് രണ്ടു ഭൂരിപക്ഷം ഉണ്ടായിരുന്നെങ്കില് ബി.ജെ.പി ഭരണഘടനയെ പൊളിച്ചെഴുതിയേനെ. അതിനു കഴിയാത്തതു കൊണ്ടാണ് ബി.ജെ.പി പിന്വാതിലിലൂടെ ഇത്തരം കാര്യങ്ങള് ചെയ്യുന്നത്.നിയമം പൂര്ണമായും തെറ്റും അപ്രായോഗികവുമാണ്. ഭരണഘടനാ വിരുദ്ധമായ ഈ നിയമത്തെ സുപ്രീം കോടതി റദ്ദാക്കുമെന്ന് ഉറപ്പുണ്ട്,’ അദ്ദേഹം പറഞ്ഞു.
രാജ്യത്തു നടക്കുന്നതു വഴിതെറ്റിയ സമരമാണെന്നും അത്തരത്തില് ജനങ്ങളെ നയിക്കുന്നവര് യഥാര്ഥ നേതാക്കളല്ലെന്നുമാണ് റാവത്ത് പറഞ്ഞത്.
‘തെറ്റായ ദിശയിലേക്കു ജനങ്ങളെ നയിക്കുന്നവരല്ല നേതാക്കള്. പല സര്വകലാശാലകളിലും കോളേജുകളിലും വിദ്യാര്ഥികള് ആള്ക്കൂട്ടങ്ങളെ നയിച്ചുകൊണ്ട് അക്രമം നടത്തുന്നതാണു നമ്മള് കാണുന്നത്. ഇതിനെ നേതൃത്വം എന്നു കരുതാനാവില്ല.’- അദ്ദേഹം അഭിപ്രായപ്പെട്ടു.ഡിസംബര് 31-നു വിരമിക്കാനിരിക്കെയാണ് റാവത്തിന്റെ അഭിപ്രായപ്രകടനം. ആദ്യമായാണ് അദ്ദേഹം ഈ വിഷയത്തില് പ്രതികരിക്കുന്നത്.
കണ്ണൂര് സര്വകലാശാലയിലെ ചരിത്ര കോണ്ഗ്രസ് പരിപാടിയില് ഗവര്ണര് സംസാരിച്ചുകൊണ്ടിരിക്കെ കേരള ഗോവെർണർക്കെതിരെയും പ്രതിഷേധം ഉയർന്നിരുന്നു. . പൗരത്വ ഭേഗതി നിയമത്തെ അനുകൂലിച്ചുകൊണ്ടുള്ള തന്റെ നിലപാടില് ഉറച്ചുനിന്നുകൊണ്ട് ഗവര്ണര് സംസാരിക്കവേയായിരുന്നു പ്രതിഷേധം.
പ്രസംഗം തുടങ്ങി ഒരു ഘട്ടം കഴിഞ്ഞപ്പോള് ഭരണഘടനയില് തൊട്ട് സത്യപ്രതിജ്ഞ ചെയ്ത ആളാണ് താനെന്നും ഭരണഘടന സംരക്ഷിക്കാന് വേണ്ടിയാണ് താന് പ്രവര്ത്തിക്കുന്നതെന്നും പറയുകയും ഇത് രാഷ്ട്രീയ പ്രശ്നമാണെന്നും അതില് ഇടപെടില്ലെന്നും പറയുകയായിരുന്നു.
എന്നാല് തന്റെ പ്രസംഗത്തില് ഉടനീളം ഇത് രാഷ്ട്രീയ പ്രശ്നമാക്കി ഉയര്ത്തിക്കാട്ടിയ അദ്ദേഹം പ്രതിഷേധക്കാരെ കുറ്റപ്പെടുത്തുന്ന രീതിയിലായിരുന്നു സംസാരിച്ചത്.
പൗരത്വബിൽ ഓരോ ദിവസം പിന്നിടുമ്പോഴും പുതിയ തലങ്ങളിലേക്ക് മാറികൊണ്ടി രിക്കുകയാണ്. പ്രതിഷേധസ്വരങ്ങളുയർന്നുകൊണ്ടിരിക്കുമ്പോൾ എന്താവും കേന്ദ്രത്തിന്റെ അന്തിമ നിലപാട് എന്നാണ് രാഷ്ട്രീയ ഭാരതം ഉറ്റു നോക്കുന്നത്.
https://www.facebook.com/Malayalivartha