പൗരത്വ ഭേദഗതി നിയമം ആളിക്കത്തുമ്പോൾ പ്രക്ഷോഭങ്ങളെ അടിച്ചമർത്തിയ പൊലീസ് നടപടിയെ ന്യായീകരിച്ച് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. ഞെട്ടിക്കുന്ന കർശനമായ പൊലീസ് നടപടി പ്രക്ഷോഭകരെ നിശബ്ദരാക്കി എന്ന് മുഖ്യമന്ത്രി പറഞ്ഞു.

‘ദ് ഗ്രേറ്റ് സിഎം യോഗി’ എന്ന ഹാഷ്ടാഗിലാണ് യോഗി ആദിത്യനാഥിന്റെ ട്വീറ്റ്. ‘പ്രശ്നക്കാരായ എല്ലാ പ്രക്ഷോഭകരും ഭയന്നു. യോഗി ആദിത്യനാഥ് സർക്കാരിന്റെ നടപടികളിൽ അക്രമികൾ അച്ചടക്കമുള്ളവരായി.

ആരൊക്കെയാണോ പൊതുമുതൽ നശിപ്പിച്ചത് അവർക്കെതിരെ ശക്തമായ നടപടിയെടുക്കാൻ സർക്കാര്‍ തീരുമാനിച്ചിട്ടുണ്ട്. അവരിൽ നിന്നെല്ലാം പിഴ ഈടാക്കും. ഓരോ അക്രമിയും ഇപ്പോൾ കരയുകയാണ്. കാരണം ഉത്തർപ്രദേശിൽ യോഗി സർക്കാരാണ്.’– യോഗി ആദിത്യനാഥ് വ്യക്തമാക്കി.പൗരത്വ ഭേദഗതി നിയമത്തിനെതിരായ പ്രക്ഷോഭത്തിൽ 21 പേരാണ് യുപിയിൽ മരിച്ചത്. ആയിരക്കണക്കിനു പേരെ കസ്റ്റഡിയിലെടുത്തു.