ആയുധ ധാരികള് ട്രക്ക് ഡ്രൈവറെ കെട്ടിയിട്ട് 3.5 ലക്ഷം രൂപയുടെ ഉള്ളി കൊള്ളയടിച്ചു!
ട്രക്ക് ഡ്രൈവറെ ആയുധ ധാരികളായ ആറംഗ സംഘം കെട്ടിയിട്ട ശേഷം ഉള്ളിയുമായി കടന്നു കളഞ്ഞു. ബിഹാറിലെ കയ്മൂര് ജില്ലയില് നടന്ന സംഭവത്തില് 102 ചാക്ക് ഉള്ളിയാണ് നഷ്ടപ്പെട്ടിരിക്കുന്നത്.
ഉത്തര്പ്രദേശിലെ അലഹബാദില്നിന്ന് ബിഹാറിലെ ജഹാനാബാദിലേക്ക് ഉള്ളിയുമായി പോയ ട്രക്കാണ് ആയുധ ധാരികള് തടഞ്ഞ് ഡ്രൈവറെ കെട്ടിയിട്ട ശേഷം ഉള്ളി ചാക്കുകള് കടത്തിയത്.
അക്രമികള് ബന്ധിയാക്കിയ ട്രക്ക് ഡ്രൈവറെ പുലര്ച്ചെ രണ്ടിനാണ് മോചിപ്പിച്ചത്. വ്യാഴാഴ്ച രാത്രി പത്ത് മണിയോടെയായിരുന്നു സംഭവം. യുപിയിലെ കൗഷംബി ജില്ലക്കാരനായ ദേശ് രാജ് എന്ന യുവാവാണ് ട്രക്ക് ഡ്രൈവര്. സംഭവത്തില് പോലീസ് കേസ് റരജിസ്റ്റര് ചെയ്ത് അന്വേഷണം ആരംഭിച്ചിട്ടുണ്ട്.
തന്നെ കെട്ടിയിട്ട സ്ഥലത്തുനിന്ന് അഞ്ച് കിലോമീറ്റര് അകലെയുള്ള മറ്റൊരു പ്രദേശത്തുവച്ചാണ് മോചിപ്പിച്ചതെന്ന് ട്രക്ക് ഡ്രൈവര് പറയുന്നു. തുടര്ന്ന് ട്രക്ക് പരിശോധിച്ചപ്പോഴാണ് ഉള്ളി കവര്ച്ച ചെയ്യപ്പെട്ടതായി ബോധ്യപ്പെട്ടത്.
https://www.facebook.com/Malayalivartha