ശൈത്യം കനത്തതോടെ ഉത്തരേന്ത്യന് സംസ്ഥാനങ്ങളില് കാലാവസ്ഥ നിരീക്ഷണ കേന്ദ്രം റെഡ് അലര്ട്ട് പ്രഖ്യാപിച്ചു
ശൈത്യം കനത്തതോടെ ഉത്തരേന്ത്യന് സംസ്ഥാനങ്ങളില് കാലാവസ്ഥ നിരീക്ഷണ കേന്ദ്രം റെഡ് അലര്ട്ട് പ്രഖ്യാപിച്ചു. ഞായറാഴ്ച ഡല്ഹിയില് 1.4 ഡിഗ്രി സെല്ഷ്യസാണ് താപനില. നൂറ്റാണ്ടിനിടയിലെ രണ്ടാമത്തെ അതി ശൈത്യമാണ് ഡല്ഹിയില് ഇക്കുറി അനുഭവപ്പെടുന്നത്. ജനുവരി മൂന്നു വരെ ഇതേ സ്ഥിതി തുടരാനാണ് സാധ്യത. കാറ്റും ശക്തമായത് കണക്കിലെടുത്താണ് ഡല്ഹി, ഹരിയാന, പഞ്ചാബ്, ഉത്തര്പ്രദേശ്, ബിഹാര്, രാജസ്ഥാന് സംസ്ഥാനങ്ങളിലെ കാലാവസ്ഥ നിരീക്ഷണ കേന്ദ്രങ്ങള് റെഡ് അലര്ട്ട് പ്രഖ്യാപിച്ചത്.
റോഡ്, റെയില്, വ്യോമ ഗതാഗതത്തെ കനത്ത മഞ്ഞ് സാരമായി ബാധിച്ചു. കാഴ്ചപരിധി 50 മീറ്ററിന് താഴെ വന്നതോടെ നിരവധി വിമാന സര്വിസുകള് വഴി തിരിച്ചുവിട്ടു. 24 ട്രെയിനുകള് മണിക്കൂറുകള് വൈകിയാണ് ഓടുന്നത്. റോഡുകളില് വാഹനങ്ങളുടെ നീണ്ട നിര രൂപപ്പെട്ടു.
"
https://www.facebook.com/Malayalivartha