അജിത് പവാര് ഉപമുഖ്യമന്ത്രി ? മഹാരാഷ്ട്ര മന്ത്രിസഭാവികസനം ഇന്ന്..!
മഹാരാഷ്ട്രയിലെ മഹാവികാസ് അഘാഡി സര്ക്കാറിന്റെ മന്ത്രിസഭാ വിപുലീകരണം ഇന്ന് നടക്കും . എന്സിപി നേതാവ് അജിത് പവാര് ഉപമുഖ്യമന്ത്രിയാകുമെന്ന് പാര്ട്ടി നേതാക്കള് വ്യക്തമാക്കി കഴിഞ്ഞു . ആഭ്യന്തര വകുപ്പും അജിത് പവാറിന് ലഭിക്കുമെന്നാണ് ലഭിക്കുന്ന സൂചനകൾ . അജിത് പവാറിന് പുറമേ 36 മന്ത്രിമാരാണ് ഇന്ന് സത്യപ്രതിജ്ഞ ചെയ്യുക.
അജിത് പവാർ , ഒരു മാസത്തെ ഇടവേളയില് രണ്ട് വ്യത്യസ്ത സര്ക്കാരുകളില് ഉപമുഖ്യമന്ത്രിയാകുന്നുവെന്ന പ്രത്യേകത അദ്ദേഹത്തിനുണ്ട്. നേരത്തെ ദേവേന്ദ്ര ഫഡ്നാവിസിനൊപ്പവും ഉപമുഖ്യമന്ത്രിയായി അജിത് പവാര് സത്യപ്രതിജ്ഞ ചെയ്തിരുന്നു. പിന്നീട് പാര്ട്ടിക്കൊപ്പം തിരിച്ചെത്തിയ അജിത് പവാര് ഉദ്ധവ് താക്കറെ മന്ത്രിസഭയില് വീണ്ടും ഉപമുഖ്യമന്ത്രിയാകാന് തയ്യാറെടുക്കുകയാണ്. വിദ്യാഭവനില് ഉച്ചയ്ക്ക് ഒരു മണിക്കാണ് സത്യപ്രതിജ്ഞാ ചടങ്ങ് നടക്കുക.
പുതിയ മന്ത്രിസഭയില് അനില് പരബ്, സംബുരാജ് ദേശായ്, പ്രകാശ് അബികര്, ബച്ചുകാഡു, തനാജി സാവന്ത്, ഭാസ്കര് ജാദവ്, ഗുലാബ് റാവു പാട്ടീല് എന്നിവരാണ് ശിവസേനയില് നിന്ന് മന്ത്രിമാരാവുക. അജിത് പവാര്, ദിലീപ് വത്സെപാട്ടീല്, ഹസന് മുഷ്റിഫ്, നവാബ് മാലിക്, ജിതേന്ദ്ര അവ്ഹാദ്, ധനഞ്ജയ് മുണ്ടെ, രാജേഷ് തോപെ, അനില് ദേശ്മുഖ്, രാജേന്ദ്ര ഷിന്ഗനെ, ബാലാസാഹേബ് പാട്ടീല് എന്നിവര് എന്.സി.പി.യില്നിന്നും മുന്മുഖ്യമന്ത്രി അശോക് ചവാന്, അമിത് ദേശ്മുഖ്, സതേജ് പാട്ടീല്, പ്രണിതി ഷിന്ദേ, അമിന് പട്ടേല്, വര്ഷ ഗെയക്ക്വാദ്, സംഗ്രാം തോപ്തെ, വിശ്വജിത് കദം എന്നിവര് കോണ്ഗ്രസില്നിന്നും മന്ത്രിമാരായേക്കും.
https://www.facebook.com/Malayalivartha