അറ്റ്ലസ് സൈക്കിള് ഉടമയുടെ ഭാര്യയുടെ ആത്മഹത്യാക്കുറിപ്പ് സംഭവത്തിന്റെ ദുരൂഹത വര്ദ്ധിപ്പിക്കുന്നു; ചെയ്യാന് പാടില്ലാത്തത് ചെയ്തു, സ്വയം ലജ്ജ തോന്നുന്നു...
അറ്റ്ലസ് സൈക്കിള് ഉടമകളിലൊരാളായ സഞ്ജയ് കപൂറിന്റെ ഭാര്യ നടാഷയുടെ മരണത്തിന്റെ ദുരൂഹതകളേറുകയാണ്. പൂജാമുറിയില് നിന്നും അരപ്പേജ് വരുന്ന ആത്മഹത്യാകുറിപ്പ് കണ്ടെടുത്തു. കാരണം വെളിപ്പെടുത്താതെ കുറ്റമേറ്റു പറഞ്ഞുകൊണ്ടുള്ളതാണ് നടാഷ കപൂറിന്റെ ആത്മഹത്യാക്കുറിപ്പ്.
എന്നാല് നടാഷ തന്നെയാണോ ഇത് എഴുതിയതെന്ന് വ്യക്തമല്ല. കൂടുതല് പരിശോധകള്ക്കായി ആത്മഹത്യാകുറിപ്പ് ഫോറന്സിക് പരിശോധനയ്ക്ക് അയച്ചു.
ചെയ്യാന് പാടില്ലാത്തത് ചെയ്തു. അതിലുള്ള നാണക്കേടിലാണ് ജീവനൊടുക്കാന് തീരുമാനിച്ചത്. ഇതിനാരും ഉത്തരവാദികളല്ല. എനിക്ക് സ്വയം ലജ്ജ തോന്നി. സഞ്ജയ്, മോനേ, മോളെ.. നിങ്ങളെയെല്ലാം ഞാന് വല്ലാതെ സ്നേഹിക്കുന്നു..' എന്നിങ്ങനെയാണ് ആത്മഹത്യാകുറിപ്പില് കുറിച്ചിരിക്കുന്നത്.
57-കാരിയായ നടാഷയുടെ മരണകാരണം സംബന്ധിച്ച കൂടുതല് വിവരങ്ങള് ഡല്ഹി പോലീസിനും ലഭ്യമായിട്ടില്ല. ലൂട്യന്സ് ഡല്ഹിയില് ഔറംഗസേബ് ലെയ്നിലെ വീട്ടില് ചൊവ്വാഴ്ചയാണ് നടാഷയുടെ മൃതദേഹം കണ്ടെടുത്തത്. ഫാനില് കെട്ടിത്തൂങ്ങിയ നിലയില് മകന് സിദ്ധാന്ത് ആണ് ആദ്യം കണ്ടത്. ആശുപത്രിയില് എത്തിച്ചുവെങ്കിലും ജീവന് രക്ഷിക്കാനായില്ല
https://www.facebook.com/Malayalivartha
