രാജ്യമെങ്ങും കൊറോണ ഭീതി വ്യാപിക്കുമ്പോൾ പരമശിവനെയും  മാസ്‌ക്ക് ധരിപ്പിച്ച് പൂജാരി ...ആരാധനാലയങ്ങളിലും ആളു കൂടുന്ന മറ്റിടങ്ങളിലും കൂടുതല്‍ ശ്രദ്ധപുലര്‍ത്താനും സുരക്ഷാ മുന്‍കരുതലുകള്‍ എടുക്കാനും നിര്‍ദേശമുണ്ട്. ഇതിനിടയിലാണ് വാരാണസിയിലെ ഒരു ക്ഷേത്രത്തില്‍ പൂജാരി പ്രതിഷ്ഠയ്ക്ക് മുഖാവരണം ധരിപ്പിച്ചത്

വാരാണസിയിലെ പ്രഹ്ലാദേശ്വര ക്ഷേത്രത്തിലെ ശിവലിംഗ പ്രതിഷ്ഠയ്ക്കാണ് മാസ്‌ക് ധരിപ്പിച്ചത്. മാത്രമല്ല കൊറോണ വൈറസ് വ്യാപനം തടയുന്നതിന് ക്ഷേത്രത്തിലെത്തുന്ന വിശ്വാസികളോട് പ്രതിഷ്ഠയില്‍ സ്പര്‍ശിക്കരുതെന്നും നിര്‍ദേശിച്ചിട്ടുണ്ട്. ഇക്കാര്യം സൂചിപ്പിച്ച് അമ്പലത്തില്‍ പോസ്റ്ററുകളും ഉണ്ട്......

വൈറസിനെക്കുറിച്ച് ബോധവത്കരണം നടത്താനാണ് ഭഗവാന്റെ മുഖത്ത് മാസ്‌ക് ധരിപ്പിച്ചത് എന്ന് പൂജാരി പറയുന്നു ..ഭഗവാൻ പോലും മാസ്‌ക് ധരിച്ച സാഹചര്യത്തിൽ സാധാരണ ജനങ്ങൾ മാസ്‌ക് ധരിക്കാതിരിക്കില്ല എന്നാണു പൂജാരി പറയുന്നത് ..മാത്രമല്ല തണുപ്പുകാലത്ത്ക്ഷേത്രത്തിലെ പ്രതിഷ്ഠയ്ക്കു മേല്‍ വസ്ത്രം ധരിപ്പിക്കാറുണ്ട്. ചൂടുകാലത്ത് ഫാനും എസിയും ഉപയോഗിക്കാറുണ്ട്. അതുപോലെ കൊറോണ വൈറസിന്റെ കാലത്ത് മാസ്‌കും ധരിപ്പിക്കുന്നു, ക്ഷേത്രത്തിലെ പൂജാരി കൃഷ്ണ ആനന്ദ് പാണ്ഡേ പറഞ്ഞു.......

വൈറസ് വ്യാപിക്കാതിരിക്കുന്നതിനായി ജനങ്ങളോട് പ്രതിഷ്ഠയില്‍ സ്പര്‍ശിക്കരുതെന്ന് നിര്‍ദേശം നല്‍കിയിട്ടുണ്ട്. പ്രതിഷ്ഠയില്‍ സ്പര്‍ശിച്ചാല്‍ വൈറസ് കൂടുതല്‍ ആളുകളിലേയ്ക്ക് പകരാനും രോഗം വ്യാപിക്കാനും ഇടയാകുമെന്നും പൂജാരി വ്യക്തമാക്കി. പൂജാരിയും ക്ഷേത്രത്തിലെത്തുന്ന വിശ്വാസികളും മാസ്‌ക് ധരിച്ചാണ് പ്രാര്‍ഥനയും പൂജയുമെല്ലാം നടത്തുന്നത്.......