രാജ്യത്ത് കൊവിഡ് പടരുന്ന സാഹചര്യത്തില് ജയിലുകളില് തിങ്ങി പാര്ക്കുന്നത് ഒഴിവാക്കാന് സുപ്രീം കോടതി നിര്ദേശിച്ച പ്രകാരം തടവുകാര്ക്ക് ജാമ്യം നല്കി കര്ണാടക സര്ക്കാര്; ജയിലില് തന്നെ കഴിയാനുറച്ച് ചിലര്
കര്ണാടക പൊലീസും ജയില് അധികൃതരും സംസ്ഥാന നിയമ സേവന അതോറിറ്റിയും കൂടിയാലോചിച്ചാണ് തീരുമാനം എടുത്തത്. ഇത് പ്രകാരം കര്ണാടകയില് 636 വിചാരണ തടവുകാര്ക്ക് ജാമ്യവും 1,379 പ്രതികള്ക്ക് പരോളും അനുവദിച്ചു.മാര്ച്ച് 26 മുതലാണ് കര്ണാടക സര്ക്കാര് നടപടികള് ആരംഭിച്ചത്. ജയിലില് കൊവിഡ് വ്യാപനം തടയുന്നതിനായി സംസ്ഥാനത്തെ തടവുകാര് തിങ്ങി പാര്ക്കുന്ന വിജയപുര, മൈസൂര് തുടങ്ങിയ സെന്ട്രല് ജയിലുകളിലെ തടവുകാരെ മറ്റു ജയിലുകളിലേക്ക് നേരത്തെ മാറ്റിയിരുന്നു.
അതേസമയം ജയിലില് നിന്ന് പുറത്തു പോവാന് അനുമതി ലഭിച്ച 2015 തടവുകാരില് വിചാരണ തടവുകാരായ 23 പേരും 215 പ്രതികളും ജയിലില് നിന്നും പോവുന്നില്ല എന്നു തീരുമാനിച്ചതായി നിയമ സേവന അതോറിറ്റി കര്ണാടക ഹൈക്കോടതിയെ അറിയിച്ചു.
പൗരത്വ ഭേദഗതി നിയമത്തിനെതിരെയുള്ള സമരത്തില് പങ്കെടുത്തതടക്കം രാജ്യദ്രോഹ കുറ്റം ചുമത്തി അറസ്റ്റുചെയ്ത വിദ്യാര്ത്ഥികളും ജയില് മോചിതരാകാന് വിസമ്മതിച്ചിട്ടുണ്ട്.
ചീഫ് ജസ്റ്റിസ് അഭയ് എസ് ഒക യുടെ നേതൃത്വത്തിലുള്ള ബെഞ്ച് വീഡിയോ കോള് വഴി വാദം കേട്ടു. ഇതു പ്രകാരം ജാമ്യം നിരസിച്ച പ്രതികളോട് അതോറിറ്റി ഇടപെട്ടു സംസാരിക്കണമെന്നും ഹൈക്കോടതി വ്യക്തമാക്കി.
https://www.facebook.com/Malayalivartha