മുമ്പ് ഒരു മിനിറ്റ് നേരം ശ്വാസം പിടിച്ച് നിർത്താൻ കഴിയുന്നവര്‍ക്ക് കോവിഡ് വൈറസില്ലെന്ന് രാംദേവ് പറയുന്നു. രക്തസമ്മർദ്ദം, ഹൃദയസംബന്ധമായ പ്രശ്നങ്ങൾ, പ്രമേഹം, പ്രായമായവർ തുടങ്ങിയവർക്ക് 30 സെക്കൻഡും ചെറുപ്പക്കാർക്ക് ഒരു മിനിറ്റ് നേരവും ശ്വാസംപിടിച്ച് നിർത്താൻ കഴിയുന്നുണ്ടെങ്കിൽ നിങ്ങള്‍ക്ക് കോവിഡില്ലെന്ന് കണ്ടെത്താമെന്ന് രാംദേവ് പറയുന്നു.

നിരവധി വിമർശനങ്ങളാണ് അതിനു ശേഷം അദ്ദേഹത്തെ തേടി എത്തിയത് എന്നാൽ ഇപ്പോൾ കടുകെണ്ണ മൂക്കിലൊഴിച്ചാല്‍ ശ്വാസനാളിയില്‍ കൊറോണ വൈറസ് സന്നിധ്യമുണ്ടെങ്കില്‍ അത് വയറ്റിലേക്ക് ഒഴുകിയെത്തുകയും വയറ്റിലെ ആസിഡുമായി ചേര്‍ന്ന് ചത്തുപോവുകയും ചെയ്യുമെന്നാണ് രാംദേവിന്‍റെ പുതിയ അവകാശവാദം. മാത്രമല്ല തൊണ്ട ചേര്‍ത്തുകൊണ്ടുള്ള 'ഉജ്ജായ് ശ്വാസം' എടുത്തുള്ള പ്രാണായാമവും കോവിഡിനെ പ്രതിരോധിക്കുമെന്നും രാംദേവ് അവകാശപ്പെട്ടു.

കൊറോണ വൈറസിന് ഉജ്ജായ് എന്ന ഒരു പ്രത്യേകതരം പ്രാണായാമമുണ്ട്. ഇതില്‍ നിങ്ങളുടെ തൊണ്ട ചേര്‍ത്ത് മൂക്കിലൂടെ ശ്വാസമെടുക്കുക, അല്‍പനേരം ശ്വാസം പിടിച്ചു നിര്‍ത്തുക, ശേഷം പതിയെ പുറത്തേക്ക് വിടുക, ഇങ്ങനെ ചെയ്യുന്നത് കോവിഡ് ഉണ്ടോ എന്നറിയാനുള്ള സ്വയം പരിശോധനയാണെന്നും രാംദേവ് പറഞ്ഞു.

പിന്നീട് വന്‍ വിലകുറവില്‍ സാനിറ്റൈസര്‍ വിപണിയിലെത്തിച്ച് ബാബാരാംദേവ്. പതഞ്ജലിയുടെ സാനിറ്റൈസറിന്‍റേയും ഡെറ്റോളിന്‍റെ സാനിറ്റൈസറിന്‍റേയും വില താരതമ്യം ചെയ്ത് നടത്തിയ ബാബാ രാം ദേവിന്‍റെ ട്വീറ്റിന്റെ പേരില്‍ ട്വിറ്ററില്‍ തമ്മിലടി. 50 മില്ലി സാനിറ്റൈസറിന് ഡെറ്റോള്‍ 82 രൂപ ഈടാക്കുമ്പോള്‍ പതഞ്ജലി120 മില്ലി സാനിറ്റൈസര്‍ 55 രൂപയ്ക്ക് നല്‍കുന്നു. സ്വദേശി ഉത്പന്നം സ്വന്തമാക്കൂ. വിദേശ കമ്പനികള്‍ക്ക് ഇന്ത്യ ഒരു വ്യാപാര മേഖല മാത്രമാണ്. എന്നാല്‍ പതഞ്ജലിക്ക് ഇന്ത്യ വീടാണ്. രാജ്യത്തെ കൊള്ളയടിക്കുന്നത് തടയാന്‍ പതഞ്ജലി സ്വന്തമാക്കൂവെന്നായിരുന്നു ബാബാ രാം ദേവിന്‍റെ ട്വീറ്റ്. വില താരതമ്യം ചെയ്തുകൊണ്ടുള്ള രണ്ട് ഉല്‍പന്നങ്ങളുടെ ചിത്രമടക്കമായിരുന്നു ട്വീറ്റ്.

എന്നാല്‍ ചുരുങ്ങിയ സമയത്തിനുള്ളില്‍ ട്വീറ്റിനെതിരെയും ബാബാ രാംദേവിനേയും പതഞ്ജലിയേയും പിന്തുണച്ച് നിരവധിപ്പേര്‍ എത്തി. ഇതോടെയാണ് ട്വിറ്റര്‍ പടക്കളമായത്. പതഞ്ജലിയുടെ സാനിറ്റൈസറിന് ഗുണമുണ്ടോയെന്ന ഡോക്ടര്‍മാര്‍ അടക്കമുള്ളവരുടെ പ്രതികരണം കൂടിയായതോടെ പരസ്യം വൈറലായി. പതഞ്ജലിയുടെ ഉല്‍പന്നങ്ങള്‍ക്ക് വിശ്വാസ്യതയില്ലെന്ന ആരോപണത്തിന് ഉപയോഗിച്ച് നോക്കൂ എന്നാണ് പ്രതികരണം. രാജ്യത്തോടുള്ള സ്നേഹം പ്രകടിപ്പിക്കാനുള്ള അവസരമായി കണ്ട് പതഞ്ജലിയുടെ സാനിറ്റൈസര്‍ വാങ്ങണമെന്നും നിരവധിപ്പേര്‍ ആവശ്യപ്പെടുന്നുണ്ട്.

ഹൃദയസംബന്ധമായ പ്രശ്‌നങ്ങളോ, മാനസിക സമ്മര്‍ദമോ, പ്രമേഹമോ ഉള്ളവര്‍ക്കും പ്രായമായവര്‍ക്കും അവരുടെ ശ്വാസം 30 സെക്കന്‍ഡും ചെറുപ്പക്കാര്‍ക്ക് ഒരു മിനിറ്റ് നേരവും പിടിച്ചുവെക്കാമെന്നും ഇത് അര്‍ത്ഥമാക്കുന്നത് നിങ്ങള്‍ക്ക് ലക്ഷണങ്ങളോടു കൂടിയതും അല്ലാത്തതുമായ കോവിഡ് ഇല്ലെന്നാണെന്നും രാംദേവ് കൂട്ടിച്ചേര്‍ത്തു.

ആഗോളതലത്തില്‍ കോവിഡ് വ്യാപിച്ചതോടെ വൈറസ് വ്യാപനം തടയുന്നതിന് വിവിധ ചികിത്സരീതികളുമായി നിരവധി പേര്‍ രംഗത്ത് വരുന്നുണ്ട്.

ഗോമൂത്രം സേവിച്ചാല്‍ കോവിഡില്‍ നിന്ന് രക്ഷ നേടാമെന്നതുള്‍പ്പെടെ വ്യാജവും വിചിത്രവുമായ പല അവകാശവാദങ്ങള്‍ക്കിടയില്‍ ഇപ്പോഴിതാ വ്യത്യസ്ത ചികിത്സാ വാദവുമായി രംഗത്തെത്തിയിരിക്കുകയാണ് യോഗ ഗുരു ബാബാ രാംദേവ്.