കൊവിഡും പിന്നാലെ ലോക്ക്ഡൗണും വന്നതോടെ പരസ്പരം കാണാനോ സംസാരിക്കാനോ കഴിയാതായ ഒരു വിഭാഗമാണ് കമിതാക്കൾ. പരസ്പരം കാണാന്‍ കഴിയാതെ മൊബൈല്‍ വഴിമാത്രമാണ് ഇവരുടെ സമ്ബര്‍ക്കം.. ലോക് ഡൗൺ എത്രയും വേഗം മാറിയതിനു ശേഷം തന്റെ പ്രിയപെട്ടവളെയോ പ്രിയപെട്ടവനെയോ കാണാനുള്ള കാത്തിരിപ്പിലാണ് കമിതാക്കൾ.

എന്നാലിതാ കാത്തിരിക്കാനൊന്നും സമയമില്ല ഇങ്ങനെ പരസ്പരം കാണാതിരുന്ന കമിതാക്കള്‍ ഒടുവില്‍ രണ്ടുംകല്‍പ്പിച്ച്‌ പുറത്തിറങ്ങി. പക്ഷെ ഇതിന്റെ അവസാനം ഇങ്ങനെയൊക്കെ സംഭവിക്കുമെന്ന് അവര്‍ ഒരിക്കലും കരുതിയിയിരുന്നില്ല. കഴിഞ്ഞ ദിവസം തമിഴ്‌നാട് തിരുവെള്ളൂരിലാണ് സംഭവം..

ഒരു മാസം വീട്ടിലിരുന്നു മടുത്തതോടെയാണ് തിരുവെള്ളൂര്‍ കുമഡിപൂണ്ടിയിലെ കമിതാക്കള്‍ നേരിട്ടുകാണാന്‍ തീരുമാനിച്ചത്. കായല്‍ തീരത്തോട് ചേര്‍ന്നുള്ള തോട്ടത്തിലെ യുക്കാലി മരത്തിനു ചുവട്ടിലിരിക്കവെയാണ് കട്ടുറുമ്ബായി ഡ്രോണെത്തിയത്.

കാമുകന്റെ മടിയില്‍ തലവെച്ച്‌ കിടക്കുമ്ബോഴാണ് ഡ്രോണ്‍ നിരീക്ഷണം ഇവരുടെ ശ്രദ്ധയില്‍പ്പെട്ടത്. പിന്നീട് കൈയിലുള്ള ഷാള്‍ തലയിലിട്ട് മുഖം മൂടി സമീപത്തുണ്ടായിരുന്ന ബൈക്കില്‍ കയറി രണ്ടുപേരും സ്ഥലം വിട്ടു. ഡ്രോണും ഇവരെ പിന്തുടര്‍ന്നു ഇതിന്റെ വീഡിയോ സോഷ്യല്‍ മീഡിയയില്‍ വൈറലായിരിക്കുകയാണ്..