ഇന്ത്യയുടെ സംഹാരത്തിന് മുന്നില് ചോര്ന്നൊലിച്ച് ചൈന; ഇറക്കും ആ 450 യുദ്ധവിമാനങ്ങള്; ഇന്ത്യന് വ്യോമസേന 450 യുദ്ധവിമാനങ്ങള് വാങ്ങുമെന്ന് ആര്കെഎസ് ബദൗരിയ പറഞ്ഞതിന് പിന്നാലെ കരുത്തുകാട്ടുകയാണ് ഇന്ത്യ
ഇന്ത്യന് വ്യോമസേന 450 യുദ്ധവിമാനങ്ങള് വാങ്ങുമെന്ന് ആര്കെഎസ് ബദൗരിയ പറഞ്ഞതിന് പിന്നാലെ കരുത്തുകാട്ടുകയാണ് ഇന്ത്യ. പറക്കും തീയുണ്ടകള്ക്ക് കരുത്തായി തേജസ്സ്. ഇന്ത്യന് വ്യോമസെനയുടെ പതിനെട്ടാം സ്ക്വാഡ്രന് പുന:സംഘടിപ്പിച്ചു. ഇന്ത്യന് നിര്മ്മിത തേജസ്സ് പോര്വിമാനങ്ങളാണ് ഇനി പതിനെട്ടാം നമ്പര് സ്ക്വാഡ്രനു കരുത്തുപകരുന്നത്.
വ്യോമസെന മേധാവി ആര്.കെ.എസ് ബധൂരിയ തേജസ് വിമാനം പറത്തിയാണ് സ്ക്വാഡ്രന് 18 ലേക്ക് ഇന്ത്യയുടെ പുതുതലമുറ പോര് വിമാനത്തെ സ്വാഗതം ചെയ്തത്.വ്യോമസേനയുടെ ചുളൂര് താവളത്തിലായിരുന്നു ചടങ്ങ്. 1965 ല് രൂപം കൊണ്ട പതിനെട്ടാം സ്ക്വാഡ്രന് ഫ്ലൈയിംഗ് ബുള്ളറ്റ്സ് എന്നായിരുന്നു അറിയപ്പെട്ടത്. നേരത്തെ മിഗ് 27 വിമാനങ്ങളായിരുന്നു സ്ക്വാഡ്രന് 18 ല് ഉണ്ടായിരുന്നത്. മിഗ് 27 വിരമിച്ചതോടെയാണ് തേജസ്സ് ഈ സ്ക്വാഡ്രനിലെ അംഗമായത്. ന്ത്യന് വ്യോമസേനയുടെ രണ്ടാമത്തെ തേജസ് സ്ക്വാഡ്രനാണിത്.
നാല്പ്പത്തഞ്ചാം സ്ക്വാഡ്രനും തേജസ്സിന്റെതാണ്. 1971 ലെ ഇന്ത്യ-പാകിസ്താന് യുദ്ധത്തില് കരുത്ത് തെളിയിച്ച സ്ക്വാഡ്രനാണ് പതിനെട്ടാം സ്ക്വാഡ്രന്. ഭാരം കുറഞ്ഞ സൂപ്പര്സോണിക് വിമാനമായ തേജസ് വ്യോമസേനയുടെ അഭിമാന സ്ക്വാഡ്രന്റെ ഭാഗമാകുന്നതോടെ ഇന്ത്യയുടെ ആകാശക്കരുത്ത് എതിരാളികളെ ആശങ്കപ്പെടുത്തുന്ന വിധത്തില് വര്ദ്ധിക്കുകയാണ്. റഫേല് കൂടിയെത്തുന്നതോടെ ആകാശത്ത് അജയ്യമായ ശക്തിയായി ഇന്ത്യ മാറും.
ഭാവിയില് 450 യുദ്ധവിമാനങ്ങള് വാങ്ങാനാണ് ഇന്ത്യന് വ്യോമസേന പദ്ധതിയിടുന്നതെന്ന് വ്യേമസേനാ മേധാവി എയര് ചീഫ് മാര്ഷല് ആര്കെഎസ് ബദൗരിയ. നിലവില് കരാര് ആയ റാഫേല് വിമാനങ്ങള് വാങ്ങുന്നത് ഉള്പ്പെടെയുള്ള ഭാവി പദ്ധതികളെപറ്റിയാണ് അദ്ദേഹം പറഞ്ഞത്. 36 റാഫേല് വിമാനങ്ങള്, 114 മള്ട്ടി റോള് വിമാനങ്ങള്, 100 അഡ്വാന്സ്ഡ് മീഡിയം ഫൈറ്ററുകള്, 200 ലഘു വിമാനങ്ങള് എന്നിവ വാങ്ങാനാണ് വ്യോമസേന ഉദ്ദേശിക്കുന്നത്. അടുത്ത 15 വര്ഷം കൊണ്ട് 85 തദ്ദേശീയ തേജസ് യുദ്ധവിമാനങ്ങള് കൂടി സേനയുടെ ഭാഗമാകും. അതിന് ശേഷം 100 എണ്ണം കൂടി വാങ്ങുമെന്നും ബദൗരിയ പറഞ്ഞു. 14 മള്ട്ടിറോള് വിമാനങ്ങള് ഇന്ത്യയില് തന്നെ നിര്മ്മിച്ച് വാങ്ങാനാണ് തങ്ങള് ഉദ്ദേശിക്കുന്നതെന്ന് അദ്ദേഹം പറഞ്ഞു. മിഗ്21, 27 തലമുറയിലുള്ള വിമാനങ്ങള് കാലാവധി പൂര്ത്തിയാക്കുന്നതിനാല് ആധുനിക സംവിധാനത്തിലുള്ള വിമാനങ്ങളാണ് സേനയ്ക്ക് വേണ്ടതെന്നും ബദൗരിയ വ്യക്തമാക്കി.
https://www.facebook.com/Malayalivartha