വലിയ രാഷ്ട്രീയ നാടകത്തോടെയായിരുന്നു മഹാരാഷ്ട്രയിൽ അഘാഡി സഖ്യം അധികാരത്തിലേറിയത് .എന്നാൽ അതിനുശേഷം മുഴുവൻ ഭരണതലത്തിലെ സഖ്യത്തിനകത്തും പ്രശ്നങ്ങൾ ഒഴിഞ്ഞ നേരമുണ്ടായിരുന്നില്ല. മഹാരാഷ്ട്രയില്‍ ത്രികക്ഷി ഭരണ സഖ്യത്തില്‍ അഭിപ്രായ ഭിന്നതഎന്ന റിപ്പോർട്ടുകൾ പുറത്തുവരുമ്പോൾ ഉദ്ധവ് താക്കറെ സർക്കാരിന് അടിപതറുമോ എന്ന് ഉറ്റു നോക്കുകയാണ് ജനാധിപത്യ ഇന്ത്യ . സഖ്യത്തില്‍ പ്രശ്‌നങ്ങളുണ്ടെന്ന് കോണ്‍ഗ്രസ് പരസ്യമായി സമ്മതിച്ചിരിക്കുകയാണ് കോൺഗ്രസ് . കൊറോണ പ്രതിരോധവുമായി ബന്ധപ്പെട്ട വിഷയത്തില്‍ കോണ്‍ഗ്രസ് ഇടപെടുന്നതിന് പരിമിതിയുണ്ടെന്ന് നേരത്തെ പാര്‍ട്ടി നേതാക്കള്‍ തന്നെ വ്യക്തമാക്കിയിരുന്നു .

ശിവസേന നേതൃത്വം നല്‍കുന്ന സഖ്യത്തെ താഴെയിറക്കാന്‍ കാത്തിരിക്കുന്ന ബിജെപിക്ക് സുവര്ണാവസരമായിരിക്കുകയാണ് നിലവിലെ സാഹചര്യം.ഈ അവസരം ബിജെപി മുതലെടുക്കുമോ എന്നാണ് രാഷ്ട്രീയ നിരീക്ഷകർ ഇപ്പോൾ ഉറ്റുനോക്കുന്നത് .സഖ്യത്തിലെ പ്രശ്‌നങ്ങള്‍ സംബന്ധിച്ച് കോണ്‍ഗ്രസ് നേതാവും മന്ത്രിയുമായ അശോക് ചാവാനാണ് ഇപ്പോള്‍ വെളിപ്പെടുത്തലുമായി രംഗത്തെത്തിയത് . മഹാ വികാസ് അഗാഡി സഖ്യത്തില്‍ തര്‍ക്കങ്ങളുണ്ടെന്ന് അശോക് ചവാന്‍ പറഞ്ഞു. ഇതുസംബന്ധിച്ച് മുഖ്യമന്ത്രി ഉദ്ധവ് താക്കറെയുമായി കോണ്‍ഗ്രസ് നേതാക്കള്‍ സംസാരിക്കും എന്നാണ് റിപ്പോർട്ടുകൾ .

മഹാരാഷ്ട്രയിലെ നയരൂപീകരണത്തില്‍ തങ്ങള്‍ക്ക് പ്രാതിനിധ്യം കുറവാണ് എന്ന് ആരോപിച്ച് നേരത്തെ കോണ്‍ഗ്രസ് നേതാക്കള്‍ രംഗത്തെത്തിയിരുന്നു . സഖ്യത്തിലെ സീറ്റ് കുറവുള്ള കക്ഷിയാണ് കോണ്‍ഗ്രസ് . എന്‍സിപിയും ശിവസേനയുമാണ് മറ്റുള്ള കക്ഷികള്‍. ഇവരാണ് നയങ്ങള്‍ രൂപീകരിക്കുന്നത് എന്നാണ് കോണ്‍ഗ്രസ് നേതാക്കള്‍ പറഞ്ഞത്
ശരിയാണ്... ഇവിടെ ചില പ്രശ്‌നങ്ങളുണ്ട്. മുഖ്യമന്ത്രിയുമായി വിഷയം ചര്‍ച്ച ചെയ്ത് പരിഹാരം കാണാനാണ് ശ്രമം. രണ്ടു ദിവസത്തിനകം മുഖ്യമന്ത്രിയെ കാണാന്‍ സാധിക്കുമെന്നാണ് കരുതുന്നത്- മഹാരാഷ്ട്ര മുന്‍ മുഖ്യമന്ത്രി കൂടിയായ കോണ്‍ഗ്രസ് നേതാവ് അശോക് ചവാന്‍ വ്യക്തമാക്കി.ഉദ്ധവ് താക്കറെയും എന്‍സിപി അധ്യക്ഷന്‍ ശരദ് പവാറും പല കാര്യങ്ങളും ചര്‍ച്ച ചെയ്തു നടപ്പാക്കുന്നുണ്ട്. ഇടക്കിടെ ഇരു നേതാക്കളും കൂടിക്കാഴ്ചയും നടത്തിയിരുന്നു. എന്നാല്‍ ഇതില്‍ നിന്നെല്ലാം കോണ്‍ഗ്രസിനെ മാറ്റി നിര്‍ത്തുകയാണ്. ഇതാണ് കോണ്‍ഗ്രസ് നേതാക്കള്‍ കഴിഞ്ഞദിവസം സൂചിപ്പിച്ചത്.

അതേസമയം, ഭരണസഖ്യത്തിലെ ഭിന്നത ബിജെപി മുതലെടുക്കുമോ എന്ന ആശങ്ക എല്ലാ സഖ്യത്തിപ്പോലെ ഘടക കക്ഷികൾക്കുണ്ട് . നേരത്തെ എന്‍സിപി നേതാവ് അജിത് പവാറിനെ കൂടെ ചേര്‍ത്ത് ഭരണം പിടിക്കാന്‍ ബിജെപി ശ്രമിച്ചെങ്കിലും പരാജയപ്പെടുകയായിരുന്നു. പിന്നീടാണ് ശിവസേന-എന്‍സിപി-കോണ്‍ഗ്രസ് സഖ്യം ഭരണത്തിലേറിയത്.എന്തായാലും ഒരു രാഷ്ട്രീയ നാടകത്തിലൂടെ അധികാരത്തിലേറിയ മഹാ അഘാഡി സഖ്യത്തിന്റെ ഭരണം മറ്റൊരു രാഷ്ട്രീയ നാടകത്തിലൂടെ അവസാനിക്കുമോ എന്നാണ് രാജ്യം ഉറ്റു നോക്കുന്നത്