ഡല്‍ഹിയില്‍ കോവിഡ് വ്യാപനം നിയന്ത്രിക്കാനും ചികിത്സാസൗകര്യങ്ങള്‍ ചര്‍ച്ച ചെയ്യുന്നതിനുമായി സര്‍വകക്ഷി യോഗം വിളിച്ച് കേന്ദ്ര ആഭ്യന്തര മന്ത്രി അമിത് ഷാ. ബി.ജെ.പി.,കോണ്‍ഗ്രസ്,എ.എ.പി.,ബി.എസ്.പി. പാര്‍ട്ടികളെ യോഗത്തിലേക്ക് ക്ഷണിച്ചിട്ടുണ്ട്. ഡല്‍ഹിയില്‍ കോവിഡ് കേസുകള്‍ വലിയതോതില്‍ വര്‍ധിക്കുന്ന പശ്ചാത്തലത്തിലാണ് സര്‍വകക്ഷിയോഗം വിളിച്ചിട്ടുള്ളത്.

മുഖ്യമന്ത്രി അരവിന്ദ് കേജരിവാളുമായി ഷാ ഇന്നലെ നടത്തിയ ചര്‍ച്ചയിലാണു തീരുമാനം. അടുത്ത രണ്ട് ദിവസം കൊവിഡ് പരിശോധന ഇരട്ടിയാക്കാനാണ് സര്‍ക്കാര്‍ നിര്‍ദേശം. ഇതിന് ശേഷം മൂന്നിരട്ടിയാക്കും. 500 ഐസൊലേഷന്‍ കോച്ചുകള്‍ തയ്യാറാക്കാന്‍ റെയില്‍വേയ്ക്കും നിര്‍ദേശം നല്‍കിയിട്ടുണ്ട്. 10 മുതല്‍ 49 വരെ കിടക്കകളുള്ള എല്ലാ നഴ്‌സിങ് ഹോമുകളിലും കൊവിഡ് ചികിത്സയ്ക്ക് സര്‍ക്കാര്‍ അനുമതി നല്‍കി. .