ഇന്ത്യയുടെ പുരോഗതിയ്ക്കും വ്യവസായരംഗത്തും ഊര്‍ജ ഉല്‍പ്പാദന മേഖലയിലും ഉയര്‍ച്ച ലക്ഷ്യമിട്ട് നിക്ഷേപങ്ങള്‍ക്കായി പ്രധാനമന്ത്രി നരേന്ദ്ര മോഡി ഇന്ന് യൂറോപ്പിലേക്ക് യാത്ര തിരിക്കും. ആണവ റിയാക്ടറുകള്‍ ആരംഭിക്കുന്നതിന് ഈ സന്ദര്‍ശന വേളയിലൂടെ തീരുമാനം ആകുമെന്നാണ് സൂചന. ആണവ ഇന്ധന കൈമാറ്റത്തിനുമുള്ള നിര്‍ണായക കരാറില്‍ ഇന്ത്യയും ഫ്രാന്‍സും തമ്മില്‍ ധാരണയാകുമെന്നും റിപ്പോര്‍ട്ടുണ്ട്.

മോഡി കാനഡയിലെ ഇന്ത്യക്കാരെ അഭിസംബോധനം ചെയ്യും. വ്യവസായം, ഊര്‍ജം, അടിസ്ഥാന സൗകര്യവികസനം, പ്രതിരോധരംഗത്തെ ഉല്‍പ്പാദനം എന്നീ മേഖലകളെ ലക്ഷ്യമിട്ടാണ് പ്രധാനമന്ത്രി നരേന്ദ്ര മോഡിയുടെ യൂറോപ് യാത്ര. ജര്‍മ്മനി, ഫ്രാന്‍സ്, കാനഡ എന്നീ രാജ്യങ്ങളിലേക്കാണ് മോഡിയുടെ മൂന്ന് ദിവസത്തെ സന്ദര്‍ശനം.
പ്രധാനമന്ത്രി പദത്തിലെത്തിയശേഷമുള്ള മോദിയുടെ ആദ്യ ഫ്രാന്‍സ് സന്ദര്‍ശനമാണിത്. എഴുത്തയ്യായിരം കോടി രൂപയുടെ പ്രതിരോധ ഇടപാടില്‍ ഇന്ത്യയും ഫ്രാന്‍സും ഒപ്പുവെയ്ക്കും. റഫേല്‍ വിമാന ഇടപാടിലെ തടസങ്ങള്‍ പരിഹരിക്കാനുള്ള ചര്‍ച്ചകളും മോദിയുടെ ഫ്രാന്‍സ് സന്ദര്‍ശനത്തിനിടെ ഉണ്ടാകും.

1650 മെഗാവാട്ടിന്റെ രണ്ട് ആണവറിയാക്ടറുകള്‍ ഫ്രാന്‍സില്‍ നിന്ന് വാങ്ങാനുള്ള നീക്കങ്ങളുമുണ്ടാകും. ആണവോര്‍ജ ഉല്‍പ്പാദരംഗത്ത് രണ്ട് വര്‍ഷം കൊണ്ട് 14 മടങ്ങ് വളര്‍ച്ച ലക്ഷ്യമിടുന്ന നരേന്ദ്രമോഡി സര്‍ക്കാരിന് ഫ്രാന്‍സും ജര്‍മ്മനിയുമായി നടത്തുന്ന സമാധാനാവശ്യങ്ങള്‍ക്കായുള്ള ആണവ ഇടപാടുകള്‍ നിര്‍ണ്ണായകമാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha