ഇരട്ട വോട്ടുകള്ക്ക് വ്യാജ ആധാര് കാര്ഡ് ഉണ്ടാക്കി കള്ളവോട്ട് ചെയ്യാനുള്ള ശ്രമമാണ് നടക്കുന്നത്; പയ്യന്നൂരില് കള്ളവോട്ടിന് വേണ്ടി വ്യാജ ആധാര് കാര്ഡ് നിര്മാണം നടക്കുന്നതിനെതിരെ എഐസിസി ജനറല് സെക്രട്ടറി കെ.സി.വേണുഗോപാല് എംപി
നിയമസഭാ തെരഞ്ഞെടുപ്പില് പരാജയം ഉറപ്പായതോടെ സിപിഎം ഉന്നത നേതൃത്വത്തിന്റെ പിന്തുണയോടെയാണ് പയ്യന്നൂരില് കള്ളവോട്ടിന് വേണ്ടി വ്യാജ ആധാര് കാര്ഡ് നിര്മാണം നടക്കുന്നതെന്ന് എഐസിസി ജനറല് സെക്രട്ടറി കെ.സി.വേണുഗോപാല് എംപി.
തിരഞ്ഞെടുപ്പ് ദിവസം അടുത്ത് വരുന്നതോടെ പരാജയഭീതി ഉറപ്പായ സിപിഎം പഴയ തന്ത്രങ്ങള് പൊടിതട്ടിയെടുക്കുകയാണ് എന്നതിന്റെ തെളിവുകളാണ് പയ്യന്നൂരില് നിന്നും തളിപ്പറമ്പില് നിന്നും പുറത്തു വരുന്നത്. പയ്യന്നൂരില് സിപിഎമ്മിന്റ ഓഫിസിലാണ് ഇത് നടന്നു വരുന്നത്. കല്യാശേരിയിലെ നിരവധി വോട്ടുകള് പയ്യന്നൂരിലും ചേര്ത്ത് ഇരട്ടി വോട്ട് രേഖപ്പെടുത്തിയിരിക്കുകയാണെന്നും കെ.സി.വേണുഗോപാല് എംപി വ്യക്തമാക്കി .
ഇരട്ട വോട്ടുകള്ക്ക് വ്യാജ ആധാര് കാര്ഡ് ഉണ്ടാക്കി കള്ളവോട്ട് ചെയ്യാനുള്ള ശ്രമമാണ് നടത്തുന്നത്. ജനാധിപത്യത്തെ അട്ടിമറിക്കാന് ഉന്നതനേതാക്കളുടെ അനുമതിയോടെയാണ് ഇതു നടക്കുന്നത്. ഇതു സംബന്ധിച്ച് ഇലക്ഷന് കമ്മീഷന് സ്ഥാനാര്ഥി പരാതി നല്കിയിട്ടുണ്ട്. ഗൗരവതരമായി ഇലക്ഷന് കമ്മീഷന് ഇക്കാര്യം കാണണമെന്നും കെസി വേണുഗോപാല് പറഞ്ഞു.
വിറളി പിടിച്ച മാര്ക്സിസ്റ്റ് പാര്ട്ടി പയ്യന്നൂരില് മാത്രമല്ല, പാലക്കാടും തൃക്കരിപ്പൂരിലുമെല്ലാം എതിര്സ്ഥാനാര്ഥികളുടെ പോസ്റ്ററുകള് നശിപ്പിക്കുകയാണ്. തൃക്കരിപ്പൂരില് സന്ദീപ് വാര്യരെ തടഞ്ഞു.ജി.സുധാകരന്റെ ഡ്രൈവറെ കൊല്ലുമെന്ന് ഭീഷണിപ്പെടുത്തിയിരിക്കുകയാണ്. സിപിഎമ്മില് നിന്ന് പുറത്തു വന്നവരെ ടി.പി.ചന്ദ്രശേഖരന്റെ അനുഭവം ഓര്മിപ്പിച്ചു കൊണ്ടാണ് സിപിഎം നേരിടുന്നതെന്ന് കെ.സി.വേണുഗോപാല് എംപി പറഞ്ഞു .
https://www.facebook.com/Malayalivartha
