രാജ്യത്ത് കൊവിഡ് സാഹചര്യം അതിരൂക്ഷം. കര്‍ണാടകയില്‍ ഇന്ന് മാത്രം 1,267പേര്‍ക്ക് കൊവിഡ് സ്ഥിരീകരിച്ചു. ഇതാദ്യമായാണ് സംസ്ഥാനത്ത് ഒറ്റ ദിവസത്തെ രോഗികളുടെ എണ്ണം 1000 കടക്കുന്നത്.

ബംഗുളൂരുവില്‍ മാത്രം ഇന്ന് 783പേര്‍ക്ക് കൊവിഡ് സ്ഥിരീകരിച്ചു. 13,190പേര്‍ക്കാണ് സംസ്ഥാനത്ത് ഇതുവരെ രോഗം വന്നത് . ഇതില്‍ 207പേര്‍ ഇതുവരെ മരണപ്പെട്ടിട്ടുണ്ട്. ഇന്ന് മാത്രം 16 പേരാണ് രോഗം മൂലം മരണമടഞ്ഞത്.

അതേസമയം, കൊവിഡ് വ്യാപനം അതിരൂക്ഷമായ മഹാരാഷ്ട്രയില്‍ ഇന്ന് 156 പേര്‍ കൂടി രോഗം മൂര്‍ച്ഛിച്ച്‌ മരണമടഞ്ഞു.. 5,496 പേര്‍ക്ക് ഇന്ന് മാത്രം സംസ്ഥാനത്ത് രോഗം സ്ഥിരീകരിച്ചിട്ടുണ്ട്. 1,64,626 പേര്‍ക്കാണ് സംസ്ഥാനത്ത് ഇതുവരെ രോഗം വന്നത്. മഹാരാഷ്ട്രയില്‍ 70,670പേരാണ് ഇനി ചികിത്സയിലുള്ളത്.

ഡല്‍ഹിയിൽ കൊവിഡ് ബാധിതരുടെ എണ്ണം 80,000 കടന്നു. ഇന്ന് രോഗം സ്ഥിരീകരിച്ചത് 2889 പേര്‍ക്കാണ്. 65 പേര്‍ രോഗം മൂലം മരണപെട്ടു. 83,077പേര്‍ക്കാണ് ഇതുവരെ രോഗം വന്നതായി സ്ഥിരീകരിച്ചിട്ടുണ്ട്. 27,847പേരാണ് നിലവില്‍ ചികിത്സയില്‍ കഴിയുന്നത്. 52,607പേര്‍ രോഗമുക്തി നേടിയിട്ടുണ്ട്. രോഗംമൂലം മരണമടഞ്ഞത് 2,623 പേര്‍.