ഉത്തര്പ്രദേശിലെ കാന്പുരില് ക്രിമിനലുകളുമായുള്ള ഏറ്റുമുട്ടലില് എട്ടു പൊലീസുകാര് കൊല്ലപ്പെട്ടു... കൊടും ക്രൂരത ക്രിമിനലുകള് ഒളിഞ്ഞിരുന്ന് വെടിയുതിര്ത്തു
ഉത്തര്പ്രദേശിലെ കാന്പുരില് ക്രിമിനലുകളുമായുള്ള ഏറ്റുമുട്ടലില് എട്ടു പൊലീസുകാര് കൊല്ലപ്പെട്ടു. ബികാരു ഗ്രാമത്തിലാണു സംഭവം. ക്രിമിനല് പശ്ചാത്തലമുള്ള വികാസ് ദുബെ എന്നയാളെ തിരഞ്ഞ് എത്തിയതായിരുന്നു പൊലീസ്. 'കൊലപാതകത്തിനു ശ്രമിച്ചെന്ന പരാതിയില് വികാസിനെ അറസ്റ്റ് ചെയ്യാന് പോയതാണു പൊലീസ്. പക്ഷേ ക്രിമിനലുകള് ഒളിഞ്ഞിരുന്നു ഞങ്ങളെ വെടിവക്കുകയായിരുന്നു എന്ന് കാന്പുര് പൊലീസ് മേധാവി ദിനേഷ് കുമാര് പറഞ്ഞു.
ഡപ്യൂട്ടി സൂപ്രണ്ട്, മൂന്ന് എസ്ഐമാര്, നാലു കോണ്സ്റ്റബിള്മാര് എന്നിവരാണ് ഏറ്റുമുട്ടലില് കൊല്ലപ്പെട്ടത്. തലസ്ഥാനമായ ലക്നൗവില്നിന്ന് 150 കിലോമീറ്റര് അകലെയാണു സംഭവം. 60 കേസുകള് വികാസിനെതിരെ റജിസ്റ്റര് ചെയ്തിട്ടുണ്ടെന്നു പൊലീസ് പറയുന്നു. ഇയാളെ പിടികൂടുന്നതിനായി മൂന്നു സ്റ്റേഷനുകളിലെ പൊലീസുകാരാണു പോയത്. ഒളിഞ്ഞിരുന്ന ക്രിമിനല് സംഘം പൊലീസുകാര്ക്കു നേരെ മൂന്നു വശത്തുനിന്നും വെടിയുതിര്ക്കുകയായിരുന്നു.
ക്രിമിനലുകള് ഗ്രാമത്തിലേക്കുള്ള റോഡ് തടഞ്ഞിരുന്നതായും അതെല്ലാം മറികടന്നാണു പൊലീസ് അവിടെ എത്തിയതെന്നും യുപി ഡിജിപി എച്ച്.സി.അശ്വതി പറഞ്ഞു. കെട്ടിടങ്ങളുടെ മേല്ക്കൂരയില്നിന്നാണു സംഘം വെടിവച്ചത്. ക്രിമിനലുകള്ക്കെതിരെ ശക്തമായ നടപടിയെടുക്കും. സംഭവത്തെക്കുറിച്ചു റിപ്പോര്ട്ട് തേടിയതായും ഡിജിപി അറിയിച്ചു. പൊലീസുകാര് കൊല്ലപ്പെട്ടതില് മുഖ്യമന്ത്രി യോഗി ആദിത്യനാഥ് അനുശോചിച്ചു.
രാജ്നാഥ് സിങ് സര്ക്കാരിലെ മന്ത്രിയും ബിജെപി നേതാവുമായിരുന്ന സന്തോഷ് ശുക്ലയെ കൊലപ്പെടുത്തിയ കേസിലെ പ്രതിയായ വികാസ് ദുബെയെ തേടി പോലിസ് സംഘം ഒരു പ്രദേശത്ത് റെയ്ഡ് നടത്താന് പോയിരുന്നത്
വിവരമറിഞ്ഞ് ഫോറന്സിക് സംഘവും സീനിയര് പോലിസ് സൂപ്രണ്ടും (എസ്എസ്പി) ഐജിയും സ്ഥലത്തെത്തിയിട്ടുണ്ട്.ചൗയ ബേപൂര് പോലിസ് സ്റ്റേഷന് പരിധിയിലുള്ള ബിക്രു ഗ്രാമത്തിലാണ് സംഭവം. സംഭവത്തിനു ശേഷം അക്രമിസംഘം ഓടി രക്ഷപ്പെട്ടു.
മുന് ഗ്രാമത്തലവനും ജില്ലാ പഞ്ചായത്ത് അംഗവുമായിരുന്ന വികാസിനെതിരേ കൊലപാതകം ഉള്പ്പെടെ 53 കേസുകളുണ്ടെന്നാണു റിപോര്ട്ട്. ഇദ്ദേഹത്തെ കണ്ടെത്തുന്നവര്ക്ക് യുപി പോലിസ് 25,000 രൂപ പാരിതോഷികം പ്രഖ്യാപിച്ചിരുന്നു. സംഭവത്തില് അനുശോചനം രേഖപ്പെടുത്തിയ യുപി മുഖ്യമന്ത്രി യോഗി ആദിത്യനാഥ് കുറ്റവാളികള്ക്കെതിരേ കര്ശന നടപടിയെടുക്കാന് ഡിജിപിക്കു നിര്ദേശം നല്കി. സംഭവത്തിന്റെ വിശദമായ റിപോര്ട്ട് മുഖ്യമന്ത്രി തേടിയിട്ടുണ്ട്. അഡീഷണല് ചീഫ് സെക്രട്ടറി, ഹോം, ഡയറക്ടര് ജനറല് ഓഫ് പോലിസ് എന്നിവരുമായി മുഖ്യമന്ത്രി യോഗി ആദിത്യനാഥ് ബന്ധപ്പെട്ടു. പരിക്കേറ്റ പോലിസുകാരെ റീജന്സി ആശുപത്രിയില് പ്രവേശിപ്പിച്ചു.
"
https://www.facebook.com/Malayalivartha
