മനുഷ്യരില് പരീക്ഷണം പൂര്ത്തിയാകാന് 3 മാസം; കോവിഡിനെതിരെ ഇന്ത്യന് വാക്സിന്... വിജയിച്ചാല് ഈ വര്ഷാവസാനം യാഥാര്ഥ്യമാകും
മനുഷ്യരില് വാക്സിന് പരീക്ഷണം പൂര്ത്തിയാകാന് 3 മാസമെടുക്കുമെന്നും ഇതു വിജയകരമായാല് ഈ വര്ഷാവസാനത്തോടെ കോവിഡിനെതിരായ 'കോവാക്സിന്' യാഥാര്ഥ്യമാകുമെന്നും ഭാരത് ബയോടെക് സാരഥികളിലൊരാളായ സുചിത്ര എല്ല. എന്നാല്, ഇത് ആളുകള്ക്കു ലഭ്യമാകുന്നത് എന്നാകുമെന്ന ചോദ്യത്തിന്, ഡ്രഗ് കണ്ട്രോള് ജനറല് ഓഫ് ഇന്ത്യയുടെ തീരുമാനം നിര്ണായകമാകുമെന്ന് അവര് പറഞ്ഞു. മനുഷ്യരില് പരീക്ഷണത്തിന് അനുമതി ലഭിച്ച ആദ്യത്തെ ഇന്ത്യന് സാധ്യതാ വാക്സിനായ 'കോവാക്സിന്റെ' ഗവേഷണ വിശദാംശങ്ങള്ഒരു പ്രമുഖ മാധ്യമത്തോട് പങ്കുവയ്ക്കുകയായിരുന്നു അവര്.
ഇന്ത്യന് കൗണ്സില് ഓഫ് മെഡിക്കല് റിസര്ച്ചിന്റെ ഭാഗമായ നാഷനല് വൈറോളജി ഇന്സ്റ്റിറ്റ്യൂട്ടുമായി ചേര്ന്നാണ് ഭാരത് ബയോടെക് പരീക്ഷണം നടത്തുന്നത്. ക്ലിനിക്കല് ട്രയലില് 1200 വൊളന്റിയര്മാര്ക്കാണ് വാക്സിന് നല്കുക. ഡല്ഹി, ചെന്നൈ തുടങ്ങി രാജ്യത്തെ 10 നഗരങ്ങളിലെ പ്രധാന ആശുപത്രികളിലാവും പരീക്ഷണം. ഇതിന് എത്തിക്കല് ക്ലിയറന്സ് ഉറപ്പാക്കുന്ന നടപടികള് പുരോഗമിക്കുകയാണ്.
പ്രീ ക്ലിനിക്കല് പരീക്ഷണത്തില് വാക്സിന്റെ സുരക്ഷിതത്വം ഉറപ്പാക്കിയിരുന്നു. ഇതിന്റെ അടിസ്ഥാനത്തിലാണ് മനുഷ്യരില് പരീക്ഷിക്കാന് അനുമതി ലഭിച്ചത്. 3 മാസം കൊണ്ടു മനുഷ്യരില് പൂര്ത്തിയാക്കുന്ന ആദ്യ 2 ഘട്ടം വിജയകരമാണെന്നു ഡിജിസിഐ വിലയിരുത്തിയാല് വാക്സിനുള്ള വഴിയൊരുങ്ങും. എന്നാല്, മൂന്നാം ഘട്ടം കൂടി വേണമെന്നു നിര്ദേശിച്ചാല് വൈകും. ഫലപ്രാപ്തിയും സുരക്ഷിതത്വവും സംബന്ധിച്ചു കൂടുതല് ആളുകളില് പരീക്ഷണം വേണ്ടിവരുമെന്നതാണു കാരണം. ഇതിനു 4 മാസം മുതല് 2 വര്ഷം വരെയെടുക്കാമെന്നും സുചിത്ര പറഞ്ഞു.
ഇന്ത്യന് കൗണ്സില് ഓഫ് മെഡിക്കല് റിസര്ച്ചിന്റെ ദേശീയ വൈറോളജി ഇന്സ്റ്റിറ്റ്യൂട്ടുമായി (എന്ഐവി) ചേര്ന്നാണ് ബിബിഐഎല് കോവാക്സിന് വികസിപ്പിച്ചത്.
ഈ പങ്കാളിത്ത ഗവേഷണത്തിന്റെ ഭാഗമായി എന്ഐവി രോഗ ലക്ഷണമില്ലാതിരുന്ന കോവിഡ്-19 രോഗിയില് നിന്നും വൈറസിനെ വേര്തിരിച്ചെടുത്ത് മെയ് മാസത്തിന്റെ തുടക്കത്തില് ബിബിഐഎല്ലിന് കൈമാറി. അവര് ഹൈദരാബാദിലെ അതീവ സുരക്ഷിതമായ പരീക്ഷണ ലാബില് ജീവനില്ലാത്ത വൈറസിനെ ഉപയോഗിച്ചുള്ള വാക്സിന് നിര്മ്മിക്കാന് ശ്രമം ആരംഭിച്ചു.
''മനുഷ്യനില് ഈ വാക്സിന് കുത്തിവച്ചാല് അതിന് രോഗം പരാത്താനോ എണ്ണം വര്ദ്ധിപ്പിക്കാനോ കഴിയുകയില്ല. കാരണം, അതൊരു കൊല്ലപ്പെട്ട വൈറസാണ്. ജീവനില്ലാത്ത വൈറസ് രോഗ പ്രതിരോധ സംവിധാനത്തില് എത്തുമ്പോള് ശരീരം ആന്റിബോഡി ഉല്പാദിപ്പിക്കും,'' കമ്പനി പറയുന്നു. ജീവനില്ലാത്ത വൈറസിനെ കൊണ്ട് നിര്മ്മിച്ച വാക്സിനുകള്ക്ക് മികച്ച സുരക്ഷാ റെക്കോര്ഡുണ്ട്.ഏതൊരു പുതിയൊരു മരുന്നിനേയും പോലെ വാക്സിനും നാല് ഘട്ടങ്ങളിലൂടെയുള്ള ക്ലിനിക്കല് പരീക്ഷണത്തിന് വിധേയമാകണം. പ്രീ-ക്ലിനിക്കല് ഘട്ടത്തില് തുടങ്ങി ആയിരക്കണക്കിന് ആളുകളില് പരീക്ഷിക്കുന്ന മൂന്നാം ഘട്ടം വരെ നീളുന്നു ഈ പരീക്ഷണം. ഡ്രഗ്സ് കണ്ട്രോളറില് നിന്നും അനുമതി ലഭിച്ച് വിപണിയിലെത്തുന്ന മരുന്നിനെ നിര്മ്മാതാക്കള് തുടര്ന്നും നിരീക്ഷിച്ചു കൊണ്ടേയിരിക്കണം. ദീര്ഘകാലാടിസ്ഥാനത്തില് വാക്സിന് രോഗികളില് അനാവശ്യമായ പ്രഭാവം സൃഷ്ടിക്കുന്നുണ്ടോയെന്ന് കണ്ടെത്തുന്നതിനാണ് ഇത്.
https://www.facebook.com/Malayalivartha
