വിവാദ ആള്ദൈവം നിത്യാനന്ദയെക്കുറിച്ച് കൂടുതല് വെളിപ്പെടുത്തലുകളുമായി പോലീസ് രംഗത്ത്.... ആശ്രമത്തില് നിന്നും കാണാതായ രണ്ടു സഹോദരിമാര് നിത്യാനന്ദയ്ക്കൊപ്പം കൈലാസത്തില്...
പാസ്പോര്ട്ടില്ലാതെ രാജ്യം വിട്ട് സ്വന്തമായി പാസ്പോര്ട്ടുള്ള ഒരു രാജ്യം തന്നെസ്വന്തമാക്കിയ നിന്ത്യാനന്ദയെ കുറിച്ചുള്ള വാര്ത്തകള് നാം മറന്നു കാണില്ല . ഇപ്പോഴിതാ വിവാദ സ്വാമിയേ കുറിച്ച് മറ്റൊരു വാര്ത്ത കൂടി പുറത്തു വരുന്നു .
വിവാദ ആള്ദൈവം നിത്യാനന്ദയെക്കുറിച്ച് കൂടുതല് വെളിപ്പെടുത്തലുകളുമായി എത്തിയിരിക്കുകയാണ് പൊലീസ്. ആശ്രമത്തില് നിന്നും കാണാതായ രണ്ടു സഹോദരിമാര് നിത്യാനന്ദയ്ക്കൊപ്പം കൈലാസത്തിലുണ്ടെന്ന് ഗുജറാത്ത് പൊലീസ് പറയുന്നു. താന് ഒരു കരീബിയന് ദ്വീപ് വാങ്ങിയെന്നും അതിനു കൈലാസം എന്ന് പേരിട്ടെന്നും നിത്യാനന്ദ കഴിഞ്ഞ വര്ഷം വെളിപ്പെടുത്തിയിരുന്നു.
നിത്യാനന്ദയ്ക്കൊപ്പമുള്ള സഹോദരിമാര് ചട്ണി മ്യൂസിക്കില് (ഇന്ത്യന്-കരീബിയന് സമൂഹത്തില് പ്രചാരത്തിലുള്ള ഒരു സംഗീതരൂപം) അടക്കം പ്രാവീണ്യം നേടിയതായും ഗുജറാത്ത് പൊലീസ് വെളിപ്പെടുത്തി. ഇവരില് മൂത്തയാള്ക്ക് കൈലാസത്തിലെ ഭരണപരമായ കാര്യങ്ങളിലടക്കം പ്രധാന പങ്കുള്ളതായും റിപ്പോര്ട്ടുകളുണ്ട്. എന്നാല് പെണ്കുട്ടികള് പറയുന്നതും അവരുടെ പിതാവ് നല്കിയ പരാതിയും തമ്മില് ധാരാളം പൊരുത്തക്കേടുകളുണ്ടെന്നും പൊലീസ് പറഞ്ഞതായി ഒരു ദേശീയമാധ്യമം റിപ്പോര്ട്ട് ചെയ്തു.
നിത്യാനന്ദയ്ക്കെതിരെ ഇന്റര്പോളിന്റെ റെഡ് കോര്ണര് നോട്ടിസ് പുറപ്പെടുവിക്കാന് നീക്കം നടത്തിയെങ്കിലും വിജയിച്ചിരുന്നില്ല. ഏത് രാജ്യത്തിന്റെ ഉടമ്പടി പ്രകാരമാണ് പെണ്കുട്ടികളെ ഇന്ത്യയിലേക്ക് കൈമാറേണ്ടതെന്നു വ്യക്തതയില്ലെന്നും പൊലീസ് പറയുന്നു. 2015 മുതല് നിത്യാനന്ദയുടെ ആശ്രമത്തിലാണ് ഈ പെണ്കുട്ടികള് താമസിച്ചിരുന്നത്.
2015 മുതല് നിത്യാനന്ദയുടെ അഹമ്മദാബാദിലെ ആശ്രമത്തിലുള്ള രണ്ട് പെണ്മക്കളെ കാണാനില്ലെന്നും തട്ടിക്കൊണ്ടുപോയെന്നും ആരോപിച്ചാണ് ഇവരുടെ പിതാവ് പരാതി നല്കിയത്. 2019 നവംബറില് ഗുജറാത്ത് ഹൈക്കോടതിയില് ഹേബിയസ് കോര്പ്പസ് ഹര്ജിയും ഫയല് ചെയ്തിരുന്നു. എന്നാല് സ്വന്തം അച്ഛനെതിരെ സംസാരിച്ചുകൊണ്ട് പെണ്കുട്ടികളുടെ വിഡിയോ പുറത്തുവന്നിരുന്നു.
കൊറോണ വ്യാപനം ശക്തമായപ്പോള് പരിഹാസവുമായി രംഗത്ത് വന്നിരുന്നു ഇയാള്.
'ഞാന് എല്ലായിടത്തുനിന്നും വിട്ടൊഴിഞ്ഞ് സ്വന്തമായി കൈലാസ എന്നൊരു രാജ്യം സ്ഥാപിച്ചപ്പോള് ചില ഇന്ത്യക്കാര് എന്നെ നോക്കി ചിരിച്ചു, പരിഹസിച്ചു. ഇപ്പോള് ലോകമാകെ സമൂഹികമായ ഇടപെടലില്നിന്ന് എങ്ങനെ വിട്ടുനില്ക്കാമെന്നു ചിന്തിക്കുകയാണ്. അന്ന് എന്നെ കളിയാക്കിയവര് കോവിഡ്19 ല് നിന്ന് രക്ഷപ്പെടാന് സ്വയം തടവിലായിരിക്കുന്നു. പരമശിവന് നമ്മളെ രക്ഷിക്കും' നിത്യാനന്ദ പറഞ്ഞു.
പീഡനക്കേസില് കുറ്റാരോപിതനായ നിത്യാനന്ദ സ്വന്തം രാജ്യം സ്ഥാപിച്ചെന്നും അവിടെ സ്വന്തമായി പാസ്പോര്ട്ടും മന്ത്രിസഭയും ഉണ്ടെന്നും റിപ്പോര്ട്ടുകള് പുറത്തുവന്നിരുന്നു. നിരന്തരം സമൂഹമാധ്യമങ്ങളില് എത്താറുള്ള നിത്യാനന്ദ എവിടെയാണെന്ന് ഇതുവരെ കണ്ടെത്താനായിട്ടില്ലെന്നാണ് പൊലീസ് വ്യക്തമാക്കുന്നത്.
"
https://www.facebook.com/Malayalivartha