കൊവാക്സിന് പരീക്ഷണങ്ങള് അന്താരാഷ്ട്ര മാനദണ്ഡം അനുസരിച്ച്; വിശദീകരണവുമായി ഐ.സി.എം.ആര്
കൊവാക്സിന് ആഗസ്റ്റില് വിപണിയിലെത്തിക്കുന്നതിന് നടപടികള് വേഗത്തിലാക്കണമെന്ന് ആവശ്യപ്പെട്ട് ഐ.സി.എം.ആര് ഗവേഷണ സ്ഥാപനങ്ങള്ക്ക് കത്തയച്ചിരുന്നു. ഇതിന് പിന്നാലെ ആരോഗ്യവിദഗ്ദ്ധര് വിമര്ശനവുമായി രംഗത്ത് എത്തിയിരുന്നു. വാക്സിന് പരീക്ഷണങ്ങള്ക്ക് വേണ്ടത്ര സമയം അനുവദിക്കണമെന്നും അനാവശ്യസമ്മര്ദ്ദം ഗവേഷണങ്ങളെ ബാധിക്കുമെന്നും വിമര്ശനമുയര്ന്നിരുന്നു. രാജ്യത്ത് വാക്സിന് ഗവേഷണത്തിലേര്പ്പെട്ടിരിക്കുന്ന ഭാരത് ബയോടെക് അടക്കം 12 സ്ഥാപനങ്ങള്ക്കാണ് ഐ.സി.എം.ആര് കത്തയച്ചത്.
രാജ്യാന്തര മാനദണ്ഡങ്ങള് പ്രകാരമാണ് പരീക്ഷണം മുന്നോട്ട് പോകുന്നതെന്നാണ് ഐ.സി.എം.ആര് നല്കുന്ന വിശദീകരണം.. മനുഷ്യരിലും മൃഗങ്ങളിലും ഒരേസമയം പരീക്ഷണം നടത്താമെന്നും ഐ.സി.എം.ആര് പറയുന്നു. ഇതിന് ചട്ടങ്ങളുണ്ടെന്നും അവര് വ്യക്തമാക്കി.
ഹൈദരാബാദ് ആസ്ഥാനമായി പ്രവര്ത്തിക്കുന്ന ഭാരത് ബയോടെക്കുമായും നാഷണല് ഇന്സ്റ്റിറ്റ്യൂട്ട് ഓഫ് വൈറോളജിയുമായും ചേര്ന്ന് ഐ.,സി.എം.ആര് നിര്മിക്കുന്ന വാക്സിനാണ് കൊവാക്സിന്. മൃഗങ്ങളിലടക്കമുള്ള ആദ്യഘട്ട പരീക്ഷണം വിജകയരമായി പൂര്ത്തിയാക്കിയ കൊവാക്സിന് രണ്ടാം ഘട്ടമായി മനുഷ്യരില് പരീക്ഷിക്കാന് ഡ്രഗ്സ് കണ്ട്രോളര് ജനറല് അനുമതി നല്കിയിരുന്നു. മനുഷ്യരില് ആദ്യമായി വൈറസ് കുത്തിവച്ചശേഷം മൂന്ന് ഘട്ടങ്ങളായി നിരീക്ഷണ പരീക്ഷണങ്ങള് നടത്തേണ്ടതുണ്ട്. ഈ മാസം ആദ്യവാരം മനുഷ്യരില് പരീക്ഷണങ്ങള് ആരംഭിച്ചാലും കൃത്യമായ ഫലം ആഗസ്റ്റില് ലഭിക്കാനിടയില്ല. ഇതിനെത്തുടര്ന്നാണ് വിവാദം ശക്തമായത്.
https://www.facebook.com/Malayalivartha
