ഭാരത് ബയോടെക് കൊവിഡ് വാക്സിന് പരീക്ഷണം ആരംഭിക്കുന്നു... ആദ്യഘട്ട പരീക്ഷണത്തില് 375 പേരെയും രണ്ടാം ഘട്ടത്തില് 750 പേരെയും ഉള്പ്പെടുത്തും
കൊവിഡ് പ്രതിരോധത്തിനായി ഇന്ത്യ തദ്ദേശിയമായി നിര്മ്മിക്കുന്ന വാക്സിന് പരീക്ഷണം ഉടന് ആരംഭിക്കും. ആദ്യഘട്ട പരീക്ഷണത്തില് 375 പേരെയും രണ്ടാം ഘട്ടത്തില് 750 പേരെയും ഉള്പ്പെടുത്താനാണ് വാക്സിന് നിര്മ്മാതാക്കളായ ഭാരത് ബയോടെക് ഇന്റര്നാഷണല് ലിമിറ്റഡിന്റെ പദ്ധതി. ഈ പരീക്ഷണ ഫലങ്ങളുടെ അടിസ്ഥാനത്തിലായിരിക്കും വാക്സിന് വിപണിയിലെത്തിക്കുന്നത് സംബന്ധിച്ച് അന്തിമതീരുമാനം എടുക്കുക. വാക്സിന് വികസിപ്പിക്കുന്നത് സങ്കീര്ണമായ പ്രക്രിയയാണെന്ന് നാഷണല് ഇന്സ്റ്റിറ്റിയട്ട് ഓഫ് എപ്പിഡെമിയോളജിയിലെ ശാസ്ത്ര ഉപദേശക സമിതി ചെയര്മാന് ജയപ്രകാശ് മുലിയല് പറഞ്ഞു . അതിനാല് തന്നെ ഓഗസ്റ്റ് 15ന് വാക്സിന് ലഭ്യമാക്കാനാവില്ലെന്നും അദ്ദേഹം വ്യക്തമാക്കി. അതേസമയം വാക്സിനായി ഭാരത് ബയോടെക്ക് നടപടികള് വേഗത്തിലാക്കിയിട്ടുണ്ടെന്നും അന്തിമഫലം ക്ലിനിക്കല് ട്രയല് ടെസ്റ്റുകള് നടത്തുന്ന സ്ഥാപനങ്ങളുടെ സഹകരണത്തെ ആശ്രയിച്ചാണ് ഇരിക്കുന്നതെന്നും ഐ.സി.എം.ആര്. പറയുന്നു.
പ്രതിരോധ വാക്സിനുമായി ബന്ധപ്പെട്ട് ഭാരത് ബയോടെക് ഇന്റര്നാഷണല് ലിമിറ്റഡ് എന്ന മരുന്ന് കമ്ബനിയുമായി ഐ.സി.എം.ആര്. ധാരണയിലെത്തിയതായി ഐ.സി.എം.ആര്. ഡയറക്ടര് ജനറല് ബല്റാം ഭാര്ഗവ സ്ഥിരീകരിച്ചത്. രാജ്യത്ത് ആദ്യമായി തദ്ദേശീയമായി നിര്മിച്ച വാക്സിനാണ് ഭാരത് ബയോടെക് ഇന്റര്നാഷണല് ലിമിറ്റഡിന്റേത്. ഇതിന്റെ ഓരോ ഘട്ടവും കേന്ദ്ര സര്ക്കാര് സസൂക്ഷ്മം വിലയിരുത്തുന്നുണ്ട്. വാക്സിന്റെ ഒന്നും രണ്ടും ഘട്ടങ്ങളിലുള്ള പരീക്ഷണങ്ങള്ക്ക് കഴിഞ്ഞ ദിവസമാണ് ഐ.സി.എം.ആര്. അനുമതി നല്കിയത്.
https://www.facebook.com/Malayalivartha
