അവസാന വര്ഷ പരീക്ഷകള് റദ്ദാക്കേണ്ടതില്ലെന്ന് യുജിസി, പരീക്ഷകള് സെപ്റ്റംബറില്, ഓണ്ലൈനായോ ഓഫ്ലൈനായോ മൂല്യനിര്ണയം
കോവിഡ് പശ്ചാത്തലത്തില് സര്വകലാശാലകളിലെ അവസാന വര്ഷ, സെമസ്റ്റര് പരീക്ഷകള് റദ്ദാക്കേണ്ടതില്ലെന്ന് യുജിസി തീരുമാനം. സെപ്റ്റംബറില് പരീക്ഷകള് നടത്തുവാനും ഓണ്ലൈനായോ ഓഫ്ലൈനായോ രണ്ടുരീതിയും ഉപയോഗിച്ചോ മൂല്യനിര്ണയം നടത്താനാണു നിര്ദേശം. ഇതോടെ, ജൂലൈയില് തന്നെ പരീക്ഷ നടത്തി അവസാന ആഴ്ച പരീക്ഷാഫലം എന്ന മുന്നിര്ദേശം പൂര്ണമായും റദ്ദാക്കി.
വാര്ഷിക പരീക്ഷകളുടെയും മറ്റു സെമസ്റ്ററുകളിലെയും കാര്യത്തില് ഏപ്രിലില് പുറപ്പെടുവിച്ച മാര്ഗരേഖയില് മാറ്റമുണ്ടാകില്ലെന്നും യുജിസി വ്യക്തമാക്കി. ഇതനുസരിച്ചു ഇന്റേണല്, മുന് പരീക്ഷകളില് നേടിയ മാര്ക്കിന്റെയും അടിസ്ഥാനത്തിലായിരിക്കും മൂല്യനിര്ണയം. ഈ വിലയിരുത്തല് ഓഗസ്റ്റ് പകുതിയോടെ പൂര്ത്തിയാക്കാനും നേരത്തെ നിര്ദേശമുണ്ടായിരുന്നു.
പരീക്ഷ സെപ്റ്റംബറില് എഴുതാന് കഴിയാത്തവര്ക്കായി പിന്നീടു സര്വകലാശാലകള്ക്കു പ്രത്യേക പരീക്ഷ നടത്താം. പരീക്ഷ തോല്ക്കുന്നവര്ക്കും ഇതിനൊപ്പം മാര്ക്ക് മെച്ചപ്പെടുത്താന് അവസരം നല്കും. ഈ അധ്യയന വര്ഷത്തില് മാത്രം, ഒറ്റത്തവണ എന്ന രീതിയിലായിരിക്കും പ്രത്യേക പരീക്ഷ.
കോളജുകള്ക്കും സര്വകലാശാലകള്ക്കും ആരോഗ്യ മന്ത്രാലയത്തിന്റെ മാര്ഗരേഖകള് അനുസരിച്ച് പരീക്ഷ നടത്താനുള്ള അനുമതി നല്കികൊണ്ട് ആഭ്യന്തര മന്ത്രാലയം മാനവശേഷി മന്ത്രാലയത്തിനു കത്തു കൈമാറി.
https://www.facebook.com/Malayalivartha
