യുഎന്‍ സുരക്ഷാ കൗണ്‍സിലില്‍ സ്ഥിരാംഗത്വം ഇന്ത്യയുടെ അവകാശം ആണെന്ന് പ്രധാനമന്ത്രി നരേന്ദ്രമോഡി. മഹാത്മ ഗാന്ധി, ശ്രീ ബുദ്ധന്‍ തുടങ്ങിയ മഹാന്മാരുടെ നാടിന് സുരക്ഷാ കൗണ്‍സിലില്‍ അംഗങ്ങളാകുന്നതിന് അവസരം നല്‍കണമെന്നും മോദി ആവശ്യപ്പെട്ടു. വിദേശ പര്യടനത്തിന്റെ ഭാഗമായി പാരീസില്‍ ഇന്ത്യന്‍ സമൂഹത്തെ അഭിസംബോധന ചെയ്ത് സംസാരിക്കുകയായിരുന്നു മോഡി.
യുദ്ധത്തിനായി നിലകൊള്ളാതെ എന്നും സമാധാനം ആഗ്രഹിക്കുന്ന രാജ്യമാണ് ഇന്ത്യ. ഒരിക്കലും ഇന്ത്യ മറ്റുള്ളവരെ ആക്രമിച്ചിട്ടില്ല. അത് ഇന്ത്യയുടെ പാരമ്പര്യമല്ല. ലോക സമാധാനത്തിനു വേണ്ടി സംഭാവനകള്‍ നല്‍കുക എന്നത് ഇന്ത്യയുടെ അവകാശമാണ്. ഇത്രയും നാളുകള്‍ ഇന്ത്യ യാചിക്കുകയായിരുന്നു. ഇനി അവകാശപ്പെടാനുള്ള സമയമാണ്. ലോക സമാധനത്തിനു വേണ്ടി നിലകൊണ്ട അനേകരുടെ നാടിന്റെ ആവശ്യത്തെ അന്താരാഷ്ട്ര സമൂഹം മാനിക്കേണ്ടതുണ്ട്.
ലോകമഹായുദ്ധത്തില്‍ തുടര്‍ച്ചയായി നാലു വര്‍ഷം 14 ലക്ഷം ഇന്ത്യാക്കാര്‍ യുദ്ധമുന്നണിയില്‍ ഉണ്ടായിരുന്നു. ഇതൊന്നും സ്വന്തം ആവശ്യത്തിന് വേണ്ടി ആയിരുന്നില്ല. സമാധാനത്തിലും ത്യാഗത്തിലും വിശ്വാസത്തിലും അടിയുറച്ച് വിശ്വസിക്കുന്ന രാജ്യമാണ് ഇന്ത്യ. ഇന്ത്യയുടെ വലുപ്പം മറ്റു രാജ്യങ്ങള്‍ക്ക് അറിയില്ല. എല്ലാവരും ഇന്ത്യയെ മനസിലാക്കുന്ന കാലം വിദൂരമല്ലെന്നും മോദി പറഞ്ഞു. പാരീസില്‍ നിന്നും പ്രധാനമന്ത്രി ജര്‍മ്മനിയിലേക്കാണ് ഇനി പോകുക. ഹിന്ദിയില്‍ നടത്തിയ മോഡിയുടെ പ്രസംഗം കരഘോഷത്തോടെയാണ് വരവേറ്റത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha