നിയന്ത്രണരേഖയ്ക്കു സമീപം കാര്ഗിലില് കുഴിബോംബ് സ്ഫോടനത്തില് സൈനികന് വീരമൃത്യു... സുരക്ഷാ സേനയെ ലക്ഷ്യം വെച്ച് ഭീകരര് സ്ഥാപിച്ചിരുന്ന സ്ഫോടക വസ്തുവാണ് പൊട്ടിത്തെറിച്ചതെന്ന് നിഗമനം, അന്വേഷണം പുരോഗമിക്കുന്നു
21 JULY 2020 07:07 AM IST
മലയാളി വാര്ത്ത
നിയന്ത്രണരേഖയ്ക്കു സമീപം കാര്ഗിലില് കുഴിബോംബ് സ്ഫോടനത്തില് സൈനികന് വീരമൃത്യു. ദേവ് ബഹാദൂര് ആണു മരിച്ചത്. ശനിയാഴ്ച പട്രോളിംഗിനിടെ സൈനികന് അബദ്ധത്തില് കുഴിബോംബില് ചവിട്ടുകയായിരുന്നു. പരിക്കേറ്റ ഇദ്ദേഹം ചികിത്സയ്ക്കിടെ ഇന്നലെ മരിച്ചു. സുരക്ഷാ സേനയെ ലക്ഷ്യം വെച്ച് ഭീകരര് സ്ഥാപിച്ചിരുന്ന സ്ഫോടക വസ്തുവാണ് പൊട്ടിത്തെറിച്ചതെന്നാണ് അധികൃതരുടെ നിഗമനം. സംഭവത്തില് അന്വേഷണം പുരോഗമിക്കുകയാണെന്ന് സൈനിക വൃത്തങ്ങള് അറിയിച്ചു.
അതേസമയം അതിര്ത്തിയ്ക്ക് സമീപം ലോഞ്ച് പാഡുകളില് ഭീകരര് രാജ്യത്തേക്ക് നുഴഞ്ഞു കയറാന് തക്കം പാര്ത്തിരിക്കുന്നതായി രഹസ്യ വിവരം ലഭിച്ചതിന്റെ അടിസ്ഥാനത്തില് കശ്മീരില് പരിശോധനകള് കര്ശനമാക്കിയിരിക്കുകയാണ്. 300 ഓളം ഭീകരര് രാജ്യത്തേക്ക് നുഴഞ്ഞു കയറാന് പദ്ധതിയിട്ടിരിക്കുന്നതായാണ് സൈന്യത്തിന് വിവരം ലഭിച്ചിരിക്കുന്നത്.
"
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
