ചെന്നൈയില്‍ കോവിഡ് വാര്‍ഡില്‍ ജോലി ചെയ്തിരുന്ന യുവ ഡോക്ടര്‍ ആശുപത്രിയ്ക്കു സമീപമുള്ള ഹോസ്റ്റല്‍ കെട്ടിടത്തിന് മുകളില്‍ നിന്ന് ചാടി മരിച്ചു
ചെന്നൈയില്‍ കോവിഡ് വാര്‍ഡില്‍ ജോലിചെയ്തിരുന്ന യുവഡോക്ടര്‍ ആശുപത്രിയ്ക്ക് സമീപമുള്ള ഹോസ്റ്റല്‍ കെട്ടിടത്തിന് മുകളില്‍നിന്ന് ചാടി മരിച്ചു. ചെന്നൈ സ്റ്റാന്‍ലി മെഡിക്കല്‍ കോളേജില്‍ പി.ജി. വിദ്യാര്‍ഥിയായിരുന്ന ഉദുമലൈപേട്ട് സ്വദേശി കണ്ണനാ(25)ണ് ജീവനൊടുക്കിയത്. ഒന്നാം വര്‍ഷ ഓര്‍ത്തോപീഡിക് സര്‍ജറി വിഭാഗം വിദ്യാര്‍ഥിയായിരുന്ന കണ്ണന്‍ മൂന്ന് മാസത്തിലേറെയായി കോവിഡ് വാര്‍ഡില്‍ ജോലി ചെയ്തുവരികയായിരുന്നു.
തിങ്കളാഴ്ച പുലര്‍ച്ചെ നാലോടെയാണ് ഹോസ്റ്റലിന്റെ മൂന്നാംനിലയില്‍നിന്ന് ചാടിയത്. ഉടന്‍ ആശുപത്രിയില്‍ പ്രവേശിപ്പിച്ചുവെങ്കിലും അതിനകം മരിച്ചിരുന്നു.വിവാഹവുമായി ബന്ധപ്പെട്ട പ്രശ്‌നങ്ങളുണ്ടായിരുന്നതായി ചില സുഹൃത്തുകള്‍ പോലീസിന് മൊഴി നല്‍കിയിട്ടുണ്ട്. അമിതജോലി സമ്മര്‍ദം സംബന്ധിച്ചും ആരോപണം ഉയര്‍ന്നിട്ടുണ്ട്.
പി.ജി. വിദ്യാര്‍ഥികളായ ഡോക്ടര്‍മാരെ തുടര്‍ച്ചയായി 30 മണിക്കൂര്‍ വരെ കോവിഡ് വാര്‍ഡുകളില്‍ ജോലി ചെയ്യിച്ചിരുന്നുവെന്നാണ് ആരോപണം. സംഭവത്തില്‍ പോലീസ് അന്വേഷണം തുടങ്ങി.
https://www.facebook.com/Malayalivartha
