സ്വാതന്ത്ര്യത്തിന് വേണ്ടി പോരടിച്ച മഹാന്മാരെ കളിയാക്കുന്നതും വിമര്‍ശിക്കുന്നതുമെല്ലാം ഇന്ത്യന്‍ പീനല്‍ കോഡിന്റെ 292 വകുപ്പ് പ്രകാരം കുറ്റകരം തന്നെയെന്ന് സുപ്രീംകോടതി വ്യക്തമാക്കി. അഭിപ്രായ സ്വാതന്ത്രയത്തിന്റെ പേരില്‍ ആര്‍ക്കും അപമാനിക്കാനുള്ളതല്ല ഗാന്ധിജിയേയും സുഭാഷ് ചന്ദ്ര ബോസിനേയും പോലുള്ള മഹത് വ്യക്തികളെന്ന് സുപ്രീംകോടതി വ്യക്തമാക്കി.
ആര്‍ക്കും എന്തുവിളിച്ചു പറയാനുള്ള ലൈസന്‍സ് അല്ല അഭിപ്രായ സ്വാതന്ത്ര്യവും ആവിഷ്‌കാര സ്വാതന്ത്ര്യവും. ഇനി രാഷ്ട്ര പിതാവിനെ വിമര്‍ശിക്കുന്നുവര്‍ ഈ സുപ്രീകോടതി നിരീക്ഷണങ്ങള്‍ കുടി മനസ്സില്‍ സൂക്ഷിക്കണം.
ചരിത്ര പുരുഷന്മാര്‍ക്കെതിരെ എന്തു വിളിച്ച് പറയുന്നത് അഭിപ്രായ സ്വാതന്ത്ര്യത്തിന്റെ പരിധിയില്‍ വരില്ല. ചിന്തകള്‍ക്കാണ് പൂര്‍ണ്ണ സ്വാതന്ത്ര്യം അനുവദിച്ചിട്ടുള്ളത്. എന്നാല്‍ കാര്യങ്ങള്‍ പറയുന്നതിനും അവതരിപ്പിക്കുന്നതിനും അത് പൂര്‍ണ്ണമായും ഇല്ല. ഭരണഘടന തന്നെ അതിന് നിയന്ത്രണങ്ങള്‍ ഏര്‍പ്പെടുത്തുന്നുണ്ട്. അതുകൊണ്ട് അഭിപ്രായ സ്വാതന്ത്ര്യമെന്നത് നിയന്ത്രണ സ്വഭാവമുള്ള സ്വാതന്ത്ര്യമാണ്‌സുപ്രീംകോടതി വ്യക്തമാക്കി. ഗാന്ധിജിയെ വിമര്‍ശിച്ച് കവിത എഴുതിയതിന് ചുമത്തിയ കേസ് റദ്ദാക്കണമെന്ന് ആവശ്യപ്പെട്ട് ഗുജറാത്തി പബ്ലിഷര്‍ സമര്‍പ്പിച്ച ഹര്‍ജിയിലാണ് ഉത്തരവ്. മറാത്തി കവിയായ വസന്ത് ദത്താത്രേയയുടെ കവിതയാണ് വിവാദത്തിന് അടിസ്ഥാനം. ഗാന്ധിജിയെ ഇടിച്ചു താഴ്ത്തുന്ന പദപ്രയോഗങ്ങള്‍ കവിതയിലുണ്ട്.
കലാകാരന് ആവിഷ്‌കാര സ്വാതന്ത്ര്യമുണ്ട്. എന്നാല്‍ മോശം പദപ്രയോഗങ്ങളിലൂടെ അത് പ്രകടിപ്പിക്കുന്നതിനെ അംഗീകരിക്കാന്‍ കഴിയില്ലെന്നും കോടതി വ്യക്തമാക്കി. ഗാന്ധിജിയെ വിമര്‍ശിക്കാനും പരിഹിസിക്കാനുമെല്ലാം സ്വാതന്ത്ര്യമുണ്ട്. എന്നാല്‍ മോശം പദങ്ങളുപയോഗിച്ച് രാഷ്ട്രപിതാവിനെ ചിത്രീകരിക്കുന്നത് ശരിയില്ല. ഗാന്ധിജിയേയും സര്‍ദാര്‍പട്ടേലിനേയും സുഭാഷ് ചന്ദ്ര ബോസിനേയും വിവേകാനന്ദനേയും പോലുള്ള മഹാന്മാരുടെ സല്‍പ്പേര് സംരക്ഷിക്കേണ്ടത് സമൂഹത്തിന്റെ കൂട്ടായ ഉത്തരവാദിത്തമാണെന്നും ഡിവിഷന്‍ ബഞ്ച് വ്യക്തമാക്കി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha