ഉറങ്ങുന്നതിനിടെ യുവാവിന്റെ ജീൻസിനുളളിലേക്ക് മൂർഖൻ പാമ്പ് നുഴഞ്ഞുകയറി .കഥയല്ല..യഥാർത്ഥത്തിൽ സംഭവിച്ചതാണ് .. ഉത്തര്‍പ്രദേശിലെ മിര്‍സാപൂരിലുള്ള സിക്കന്തർപുർ ഗ്രാമത്തിലാണ് വിചിത്രമായ സംഭവം നടന്നത്. ഇവിടെ വയറിങ്ങ് ജോലിക്കെത്തിയ തൊഴിലാളികൾ ജോലിക്കു ശേഷം ഉറങ്ങാൻ കിടന്നത് അംഗൻവാടി കെട്ടിടത്തിന്റെ വരാന്തയിലാണ്. അർധരാത്രിയിൽ ഉറക്കത്തിനിടയിലാണ് പാമ്പ് ജീൻസിനുള്ളിലേക്ക് നുഴഞ്ഞുകയറിയത്

ലോകേഷ് കുമാർ എന്ന തൊഴിലാളിയുടെ ജീൻസിനുള്ളിലാണ് പാമ്പ് ഇഴഞ്ഞു കയറിയത് . തന്റെ ജീൻസിന്റെ ഇടയിലേക്ക് എന്തോ ഇഴഞ്ഞുപോകുന്നതായി തോന്നിയപ്പോഴാണ് ലോകേഷ് ഞെട്ടിയുണർന്നു നോക്കിയത് . പാമ്പാണ് ജീൻസിനുള്ളിലെന്ന് മനസ്സിലാക്കിയതിനെ തുടർന്ന് ലോകേഷും കൂടെ ഉള്ളവരും ഭയന്ന് വിറച്ചു .. പാമ്പിനെ ഇറക്കിവിടാൻ കഴിയാതെ വന്നതോടെ കൂടെയുള്ളവർ പാമ്പു പിടുത്ത വിദഗ്ധരെ വിവരമറിയിക്കുകയായിരുന്നു ...

എന്നാൽ പാമ്പ് വിദഗ്ധന്‍ രാവിലെ മാത്രമേ സ്ഥലത്തെത്തുകയുളളൂ എന്നറിഞ്ഞ ലോകേഷ് കുമാർ പേടിച്ച് വിറച്ച് ഏഴുമണിക്കൂറോളമാണ് കെട്ടിടത്തിന്റെ തൂണിൽപ്പിടിച്ച് അനങ്ങാതെ നിന്നത്. അനങ്ങിയാൽ പാമ്പ് കൊത്തുമെന്ന പിടിയിലായിരുന്നു എല്ലാവരും .. തുടര്‍ന്ന് രാവിലെ വിദഗ്ധരെത്തി യുവാവിനെ രക്ഷിക്കുകയായിരുന്നു.

യുവാവിന് കടിയേല്‍ക്കാതെയിരിക്കാന്‍ ജീൻസ് ശ്രദ്ധാപൂര്‍വം കീറിയ ശേഷമാണ് പാമ്പിനെ ഇവർ പുറത്തെടുത്തത്. ജീൻസിനുള്ളിൽ നിന്നും പാമ്പിനെ പുറത്തെടുക്കുന്ന ദൃശ്യമാണ് ഇപ്പോൾ സമൂഹമാധ്യമങ്ങളിൽ നിറയുന്നത്. എന്തായാലും പാമ്പുകടിയേൽക്കാതെ രക്ഷപ്പെട്ടതിന്റെ ആശ്വാസത്തിലാണ് ലോകേഷ് കുമാർ