വയലിനിസ്റ്റ് ബാലഭാസ്‌കറിന്റെ ഭാര്യ ലക്ഷ്മി സി.ബി.ഐ. സംഘത്തിന് നല്‍കിയ മൊഴിയില്‍ കാര്യമായൊന്നുമില്ലെന്ന് വിശ്വസ്ത കേന്ദ്രങ്ങളില്‍ നിന്നും അറിയുന്നു. തിരുവനന്തപുരത്തെ ലക്ഷ്മിയുടെ വീട്ടിലെത്തിയാണ് സി.ബി.ഐ. സംഘം മൊഴി രേഖപ്പെടുത്തിയത് . ചൊവ്വാഴ്ച വൈകിട്ട് അഞ്ചരയോടെയാണ് സി.ബി.ഐ. സംഘം ലക്ഷ്മിയുടെ വീട്ടിലെത്തിയത്.

മരണത്തില്‍ യാതൊരു ദുരൂഹതയുമില്ലെന്ന കണ്ടെത്തലാണ് െ്രെകംബ്രാഞ്ച് നടത്തിയത്. എന്നാല്‍ ദുരുഹതയുണ്ടെന്ന് ആരോപിച്ച് ബാലഭാസ്‌കറിന്റെ അച്ഛന്‍ ഉണ്ണി രംഗത്തെത്തിയതോടെയാണ് സി ബി ഐ എത്തിയത്.

ബാലഭാസ്‌കറിന്റെ മരണവുമായി ബന്ധപ്പെട്ട കേസ് ദിവസങ്ങള്‍ക്ക് മുമ്പാണ് സി.ബി.ഐ. ഏറ്റെടുത്തത്. കഴിഞ്ഞദിവസം കേസിലെ പ്രാഥമിക എഫ്.ഐ.ആറും സി.ബി.ഐ. സംഘം കോടതിയില്‍ സമര്‍പ്പിച്ചിരുന്നു. ഇതിനുപിന്നാലെയാണ് മൊഴിയെടുക്കല്‍ ആരംഭിച്ചത്.

2018 സെപ്റ്റംബര്‍ 25ന് പുലര്‍ച്ചെ തിരുവനന്തപുരം പള്ളിപ്പുറത്ത് വെച്ചാണ് ബാലഭാസ്‌കറും കുടുംബവും സഞ്ചരിച്ച വാഹനം അപകടത്തില്‍പ്പെട്ടത്. മകള്‍ തേജസ്വിനി ബാല തല്‍ക്ഷണം മരിച്ചു. ബാലഭാസ്‌കര്‍ തിരുവനന്തപുരത്തെ ആശുപത്രിയില്‍ ചികിത്സിയിലിരിക്കെ ഒക്ടോബര്‍ രണ്ടിനും മരിച്ചു.

ബാലഭാസ്‌കറിന്റെ അപകടമരണത്തില്‍ തുടക്കം മുതലേ ദുരൂഹത ഉയര്‍ന്നിരുന്നു. ബാലഭാസ്‌കറിന്റെ മാനേജറായ പ്രകാശന്‍ തമ്പിയും വിഷ്ണു സോമസുന്ദരം അടക്കമുള്ള സുഹൃത്തുക്കളും മാസങ്ങള്‍ക്ക് ശേഷം സ്വര്‍ണക്കടത്ത് കേസില്‍ പിടിയിലായി. ഇതോടെയാണ് ബാലഭാസ്‌കറിന്റെ മരണത്തെക്കുറിച്ച് സംശയങ്ങള്‍ ശക്തമായത്. സംഭവത്തില്‍ െ്രെകംബ്രാഞ്ച് അന്വേഷണം നടത്തിയെങ്കിലും ദുരൂഹതയില്ലെന്നായിരുന്നു കണ്ടെത്തല്‍. ഇതില്‍ ബാലഭാസ്‌കറിന്റെ പിതാവ് അട്ടിമറി ആരോപിച്ചിരുന്നു. അങ്ങനെ ബാലഭാസ്‌കറിന്റെ കുടുംബം അപകടത്തെക്കുറിച്ച് സിബിഐ അന്വേഷണം ആവശ്യപ്പെട്ട് സര്‍ക്കാരിനെ സമീപിക്കുകയായിരുന്നു. സര്‍ക്കാര്‍ സി ബി ഐ അന്വേഷണത്തോട് ആദ്യഘട്ടത്തില്‍ താത്പര്യം കാണിച്ചില്ല. എന്നാല്‍ ബിജെപി താത്പര്യം എടുത്തതോടെ ചരിത്രം മറ്റൊന്നായി.

ലക്ഷ്മി ബാലഭാസ്‌കറുടെ ഘാതകരുടെ കൈയിലാണെന്ന് പല ഘട്ടത്തിലും ആരോപണം ഉയര്‍ന്നിരുന്നു. അതിന്റെ കാരണം കുടുംബത്തിന് വ്യക്തമല്ല. ഏതെങ്കിലും തരത്തിലുള്ള ഭീഷണി ലക്ഷ്മി അനുഭവിക്കുന്നുണ്ടോ എന്ന സംശയം പിതാവിനുണ്ട്. കാരണം ബാലഭാസ്‌കര്‍ ജീവിച്ചിരുന്ന കാലത്ത് അച്ഛനെയും അമ്മയെയും തിരിഞ്ഞു നോക്കിയിരുന്നില്ല. അവരെ സാമ്പത്തികമായി സഹായിച്ചിരുന്നുമില്ല. അവര്‍ക്ക് സാമ്പത്തിക അസ്ഥിരതയുണ്ടായിരുന്നു. അതിന് പിന്നില്‍ ലക്ഷ്മിയുടെ നിര്‍ദ്ദേശം ഉണ്ടായിരുന്നതായി പിതാവും കുടുംബവും സംശയിക്കുന്നുണ്ട്. ബാലുവില്‍ നിന്ന് പണം തട്ടിയതായി പറയപ്പെടുന്ന പാലക്കാട്ടെ ഡോക്ടറും കുടുംബവും ലക്ഷ്മിയുമായി ഇപ്പോഴും നല്ല ബന്ധത്തിലാണുള്ളത്. പ്രകാശന്‍ തമ്പിയും വിഷ്ണുവും തമ്മില്‍ ലക്ഷ്മിക്ക് നല്ല ബന്ധമുണ്ടെന്ന് സുഹ്യത്തുക്കള്‍ ആരോപിച്ചിട്ടുണ്ട്. അവര്‍ ഇപ്പോഴും ലക്ഷ്മിയെ ഭീഷണിപ്പെടുത്തുന്നതായി സുഹ്യത്തുക്കള്‍ സംശയിക്കുന്നു.

ലക്ഷമിയില്‍ നിന്നും നിര്‍ണായക വിവരങ്ങള്‍ ലഭിക്കുമെന്ന പ്രതീക്ഷ സി ബി ഐക്കില്ല. അതു കൊണ്ടു തന്നെ മറ്റ് ബന്ധുക്കളുടെ മൊഴിയെടുക്കാനാണ് ശ്രമം.

സാധാരണ ഗതിയില്‍ ഭീഷണിയുള്ളവരാരും കൃത്യമായ മൊഴി നല്‍കാറില്ല. അക്കാര്യം സി ബി ഐക്ക് അറിയാം. അതുകൊണ്ട് കൃത്യമായ തെളിവുകളുടെ അടിസ്ഥാനത്തില്‍ അവര്‍ ലക്ഷ്മിയെ ഒരിക്കല്‍ കൂടി കാണും.