സുശാന്തിന്റെ മരണം ഇനി സിബിഐ അന്വേഷിക്കും; ബീഹാര് സര്ക്കാരിന്റെ ആവശ്യം അംഗീകരിച്ച് കേന്ദ്രം
ബോളിവുഡ് നടന് സുശാന്ത് സിംഗ് രജ്പുത്തിന്റെ മരണം സി.ബി.ഐ അന്വേഷിക്കണമെന്ന ബീഹാര് സര്ക്കാരിന്റെ അപേക്ഷ കേന്ദ്രസര്ക്കാര് അംഗീകരിച്ചു. ഇക്കാര്യം സോളിസിറ്റര് ജനറല് തുഷാര് മേത്ത സുപ്രീംകോടതിയില് വ്യക്തമാക്കി. സുശാന്തിന്റെ മരണവുമായി ബന്ധപ്പെട്ട് പട്നയില് രജിസ്റ്റര് ചെയ്ത കേസ് മുംബൈയിലേക്ക് മാറ്റണമെന്നാവശ്യപ്പെട്ട് നടി റിയ ചക്രബര്ത്തി സമര്പ്പിച്ച ഹര്ജിയില് വാദം കേള്ക്കവെയാണ് തുഷാര് മെഹ്ത ഇക്കാര്യം അറിയിച്ചത്.
സുശാന്തിന്റെ പിതാവ് കെ.കെ. സിങ്ങാണ് റിയക്കെതിരെ പട്ന പോലീസില് പരാതി നല്കിയത്. മകന്റെ അക്കൗണ്ടില്നിന്ന് റിയ ചക്രബര്ത്തി 15 കോടി രൂപ അനധികൃതമായി കൈമാറ്റം ചെയ്യുകയും മാനസികമായി ഉപദ്രവിക്കുകയും ചെയ്തതായി പരാതിയില് കെ.കെ. സിങ് ആരോപിച്ചു. മുംബൈയില് നടന്ന സംഭവത്തില് ബിഹാര് പോലീസിന്റെ അധികാര പരിധി ചോദ്യം ചെയ്താണ് റിയ സുപ്രീം കോടതിയെ സമീപിച്ചത്. ബിഹാര് മുഖ്യമന്ത്രി നിതീഷ് കുമാര് ചൊവ്വാഴ്ചയാണ് കേസ് സി.ബി.ഐക്ക് കൈമാറാന് ശുപാര്ശ ചെയ്തത്.
ബിഹാറില്നിന്നുള്ള അന്വേഷണസംഘത്തോട് മുംബൈ പോലീസ് സഹകരിക്കുന്നില്ലെന്ന പരാതി ഉയരുന്നതിനിടെയായിരുന്നു കേസ് സി.ബി.ഐക്ക് കൈമാറിയത്. സുശാന്തിന്റെ മരണം മഹാരാഷ്ട്രാബീഹാര് രാഷ്ട്രിയത്തില് വലിയതോതില് ചലനമുണ്ടാക്കിയിരുന്നു. അന്വേഷണം മുംബൈ പൊലീസില് നിന്ന് മാറ്റി സി.ബി.ഐക്ക് വിടണമെന്ന ആവശ്യം ഉയര്ന്നുവന്നിരുന്നു. എന്നാല് മഹാരാഷ്ട്ര മുഖ്യമന്ത്രി ഉദ്ദവ് താക്കറെ കേസ് സി.ബി.ഐക്ക് വിടേണ്ട ആവശ്യം ഇല്ലെന്നും മുംബൈ പൊലീസ് തന്നെ അന്വേഷിച്ചാല് മതിയെന്നും നിലപാട് എടുക്കുകയായിരുന്നു.
https://www.facebook.com/Malayalivartha