റിയ മയക്കുമരുന്ന് ഉപയോഗിച്ചിരുന്നതായി കണ്ടെത്തല്; സുശാന്ത് സിംഗ് രജ്പുത്തിന്റെ മരണവുമായി മയക്കുമരുന്ന് സംഘത്തിനുളള ബന്ധം അന്വേഷിക്കുന്നതിനായി എന്.സി.ബി കേസ് ഫയല് ചെയ്തു
ബോളിവുഡ് നടന് സുശാന്ത് സിംഗ് രജ്പുത്തിന്റെ മരണവുമായി മയക്കുമരുന്ന് സംഘത്തിനുളള ബന്ധം അന്വേഷിക്കുന്നതിനായി എന്.സി.ബി (നര്ക്കോര്ട്ടിക്ക്സ് കണ്ട്രോള് ബ്യൂറോ) കേസ് ഫയല് ചെയ്തു. നടി റിയ ചക്രബര്ത്തി സഹോദരന് ഷോയിക് ചക്രബര്ത്തി എന്നിവര്ക്കെതിരെയും എന്.സി.ബി കേസെടുത്തിട്ടുണ്ട്.
എന്.സി.ബിയുടെ ഡെപ്യൂട്ടി ഡയറക്ടര് കെ.പി.എസ് മല്ഹോത്രയുടെ നേതൃത്വത്തിലുള്ള സംഘമാണ് കേസിന്റെ മേല്നോട്ടം വഹിക്കുന്നത്. മൂന്ന് അംഗങ്ങളുളള ഡല്ഹി ടീം അന്വഷണത്തിന്റെ ഭാഗമായി മുംബയ് എന്.സി.ബി സംഘത്തിനൊപ്പം പ്രവര്ത്തിക്കും. ഇതിനായി ഡല്ഹിയില് നിന്നുളള സംഘം വെളളിയാഴ്ച മുംബയിലേക്ക് പുറപ്പെടും. റിയ ചക്രബര്ത്തിക്കും സഹോദരനുമൊപ്പം നിലവില് ഗോവയില് സജീവമായിരിക്കുന്ന പൂനെ ആസ്ഥാനമാക്കിയുളള മയക്കു മരുന്ന് മാഫിയെ പറ്റിയും എന്.സി.ബി അന്വേഷിക്കും.
സുശാന്ത് സിംഗിന്റെ മരണവുമായി മയക്കുമരുന്ന് സംഘങ്ങള്ക്ക് ബന്ധമുണ്ടൊയെന്ന് അന്വേഷിക്കാന് ആവശ്യപ്പെട്ട്എന്ഫോഴ്സ്മെന്റ് ഡയറക്ടറേറ്റ് കഴിഞ്ഞ ദിവസാണ് എന്.സി.ബിക്ക് കത്ത് നല്കിയത്. തുടര്ന്ന് സുശാന്തിന്റെ മരണത്തില് അന്വേഷണം ആരംഭിച്ചതായി എന്.സി.ബി ഡയറക്ക്ര് രാകേഷ് അസ്താന മാദ്ധ്യമങ്ങളോട് പറഞ്ഞു.
റിയയുടെ ഫോണ് പരിശോധിച്ചതില് നിന്നും ഇവര് എം.ഡി.എം.എ, മരിജുവാന തുടങ്ങിയ മയക്കുമരുന്നുകള് ഉപയോഗിച്ചിരുന്നതായും വ്യക്തമായിട്ടുണ്ട്. എന്നാല് താന് ഒരിക്കലും മയക്കുമരുന്ന് ഉപയോഗിച്ചിട്ടില്ലെന്നും ഇതിനായി എപ്പോള് വേണമെങ്കിലും രക്ത പരിശോധനയ്ക്കായി തയ്യാറാണെന്നും റിയ പറഞ്ഞു. ഇതിന് പിന്നാലെയാണ് കേസില് എന്.സി.ബി അന്വേഷണമാരംഭിക്കുന്നത്.
https://www.facebook.com/Malayalivartha
