സുപ്രീംകോടതി മുന്‍ ജസ്റ്റീസും നിയമ കമ്മീഷന്‍ ചെയര്‍മാനുമായ എ.ആര്‍. ലക്ഷ്മണന്‍(78) അന്തരിച്ചു. ഹൃദയാഘാതമാണ് മരണ കാരണം. മദ്രാസ് ഹൈക്കോടതിയിലും കേരള ഹൈക്കോടതിയിലും ജഡ്ജിയായി സേവനമനുഷ്ടിച്ച ലക്ഷമണന്‍ 2000ത്തില്‍ രാജസ്ഥാന്‍ ഹൈക്കോടതിയിലും 2001ല്‍ ആന്ധ്രഹൈക്കോടതിയിലും ചീഫ് ജസ്റ്റീസ് ആയിരുന്നു.

പിന്നീട് 2004ലാണ് അദ്ദേഹം സുപ്രീംകോടതി ജഡജിയായി നിയമിതനായത്. 2007ല്‍ വിരമിച്ചു. രണ്ട് ദിവസം മുന്‍പാണ് അദ്ദേഹത്തിന്റെ ഭാര്യ മീനാക്ഷി ആച്ചി മരിച്ചത്. മൃതദേഹം സ്വദേശമായ ദേവകോട്ടയില്‍ സംസ്‌കരിച്ചു.