വ്യാപനത്തെ തുടർന്ന് പ്രധാന ആവശ്യങ്ങളിൽ ഒന്നാണ് സാനിറ്റൈസർ എന്നത്. സൂക്ഷിച്ച് ഉപയോഗിച്ചില്ലേൽ പണി കിട്ടുമെന്നതിൽ സംശയമില്ല. അത്തരത്തിൽ ഒരു വാർത്തയാണ് പുറത്തേക്ക് വരുന്നത്. നിര്‍ത്തിയിട്ട കാര്‍ തീപിടിച്ചതിന് കാരണം വാഹനത്തിനുള്ളില്‍ സൂക്ഷിച്ചിരുന്ന സാനിറ്റൈസറാണെന്ന സംശയവുമായി അഗ്നിരക്ഷാസേനാ ഉദ്യോഗസ്ഥര്‍ രംഗത്ത് എത്തുകയുണ്ടായി. സഞ്ജയ് പത്ര എന്നയാളുടെ കാറാണ് കത്തിയത് എന്നാണ് ലഭ്യമാകുന്ന വിവരം.

ഞായറാഴ്ച ഉച്ചയ്ക്ക് ശേഷമാണ് സംഭവം. ഭുവനേശ്വറിലെ രുചിക മാര്‍ക്കറ്റില്‍ ആണ് സംഭവം ഉണ്ടായത്. കാറില്‍ നിന്ന് പുറത്തിറങ്ങുന്നതിന് മുമ്ബ് ഡാഷ്‌ബോര്‍ഡ്, സ്റ്റീയറിങ്, സീറ്റ് എന്നിവ സാറ്റിറ്റൈസര്‍ ഉപയോഗിച്ച്‌ അണുവിമുക്തമാക്കിയിരുന്നു എന്ന് സഞ്ജയ് അധികൃതരോട് വ്യക്തമാക്കി.

അതൊടൊപ്പം തന്നെ സംഭവം നടന്ന ദിവസം സാനിറ്റൈസറിന്റെ കുപ്പി അടച്ചിരുന്നോ എന്ന കാര്യത്തില്‍ സഞ്ജയും സംശയം പറഞ്ഞിട്ടുണ്ട്. കുപ്പിയുടെ മൂടി തുറന്നിരുന്നതിനാല്‍ സാനിറ്റൈസര്‍ ബാഷ്പീകരിക്കുകയും അടച്ചിട്ട കാറിനുള്ളില്‍ നിറയാനും വാഹനത്തിന്റെ ഉള്‍വശം ഒരു ഗ്യാസ് ചേംബറായിത്തീരാനും സാധ്യതയുണ്ടായതാണ് ഇത്തരത്തിലേക്ക് നയിച്ചതെന്നാണ് അധികൃതര്‍ വ്യക്തമാക്കുന്നത്.

ഇത്തരത്തിൽ കാറില്‍ സൂക്ഷിച്ചിരുന്ന സാനിറ്റൈസറും ഷോര്‍ട്ട് സര്‍ക്യൂട്ടും ആണ് തീപ്പിടിത്തത്തിന് കാരണമായതെന്നാണ് അഗ്നിരക്ഷാസേനാ ഉദ്യോഗസ്ഥര്‍ സംശയിക്കുന്നത്.