ആണ്‍കുഞ്ഞ് ജനിക്കാന്‍ ആയുര്‍വേദ മരുന്ന് കണ്ടുപിടിച്ചുവെന്ന യോഗാ ഗുരു ബാബ രാംദേവിന്റെ അവകാശവാദം രാജ്യസഭയെ പ്രക്ഷുബ്ദമാക്കി. രാംദേവിന്റെ ദിവ്യ ഫാര്‍മസിയുടെ ഈ മരുന്ന് നിരോധിക്കണമെന്ന് പ്രതിപക്ഷം ആവശ്യപ്പെട്ടു. രാംദേവിന്റെ നടപടി നിയമവിരുദ്ധവും ഭരണഘടനാവിരുദ്ധവുമാണ്. മരുന്ന് നിര്‍മ്മാതാക്കള്‍ക്കെതിരെ കടുത്ത നടപടി സ്വീകരിക്കണമെന്നും പ്രതിപക്ഷം ഉന്നയിച്ചുൂ.
വ്യാഴാഴ്ച രാവിലെ ജനതാദള്‍ യുണൈറ്റ്ഡ് അംഗം കെ.സി ത്യാഗിയാണ് രാംദേവിന്റെ \'പുത്രജീവക് ബീജ്\' എന്ന മരുന്ന് സഭയില്‍ ഉയര്‍ത്തി ആക്ഷേപം ഉന്നയിച്ചത്. ഈ മരുന്ന് കഴിച്ചാല്‍ ആണ്‍കുഞ്ഞ് ജനിക്കുമെന്നാണ് നിര്‍മ്മാതാക്കളായ ദിവ്യ ഫാര്‍മസിയുടെ അവകാശവാദമെന്നും ത്യാഗി ചൂണ്ടിക്കാട്ടി. മരുന്ന് വാങ്ങിയതിന്റെ ബില്ലും ത്യാഗി സഭയില്‍ ഹാജരാക്കി. \'ഹരിയാനയുടെ ബ്രാന്‍ഡ് അംബാസഡര്‍\' നടത്തുന്ന ഇത്തരം കച്ചവടം നിയമവിരുദ്ധമാണെന്നും ത്യാഗി പറഞ്ഞു. രാംദേവിന്റെ പേര് പറയാതെയായിരുന്നു ത്യാഗിയുടെ ആക്ഷേപം.
ഇത്തരക്കാരെ പ്രധാനമന്ത്രി അംഗീകരിക്കുമോ എന്ന സര്‍ക്കാര്‍ വ്യക്തമാക്കണം. സഭഭരണപക്ഷ ബഞ്ചില്‍ നിന്ന് ബഹളം ഉയര്‍ന്നതോടെ സമാജ്‌വാദി പാര്‍ട്ടി അംഗം ജയാ ബച്ചന്‍ മരുന്ന് ആരോഗ്യമന്ത്രി ജെ.പി നനദ്ദയ്ക്ക മൈകാറി. പ്രതിപക്ഷത്തുനിന്നുള്ള വിവിധ കക്ഷികള്‍ പ്രതിഷേധത്തില്‍ പങ്കുചേര്‍ന്നു. ഇതോടെ വിഷയത്തില്‍ ഇടപെട്ട ഡെപ്യൂട്ടി ചെയര്‍മാന്‍ പി.ജെ കുര്യന്‍ ഇത്തരം മരുന്നുകളുടെ വില്‍പ്പന നിയമവിരുദ്ധമാണെന്ന് വ്യക്തമാക്കി. എന്നാല്‍ ചെയറിന് ഒന്നും ചെയ്യാന്‍ കഴിയില്ലെന്നും അദ്ദേഹം പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha