കേന്ദ്രസര്‍ക്കാരിനെതിരെ ആഞ്ഞടിച്ച് മുന്‍ കേന്ദ്ര മന്ത്രി അരുണ്‍ ഷൂരി രംഗത്ത്. ഇന്ത്യയില്‍ നടക്കുന്നത് ത്രിമൂര്‍ത്തി ഭരണമാണെന്ന് അരുണ്‍ ഷൂരി പറഞ്ഞു. തെറ്റായ നയങ്ങളാണ് മോഡി സര്‍ക്കാര്‍ നടപ്പിലാക്കുന്നത്. മോഡി സര്‍ക്കാരിന്റെ നയങ്ങള്‍ ദിശാബോധമില്ലാത്തവയാണെന്നും ഷൂരി പറഞ്ഞു. ബിജെപിയിലെ ത്രിമൂര്‍ത്തികളായ മോഡിയും ധനമന്ത്രി അരുണ്‍ ജെയ്റ്റ്‌ലിയും പാര്‍ട്ടി അധ്യക്ഷന്‍ അമിത് ഷായുമാണ് തീരുമാനങ്ങളെടുക്കുന്നത്. ഇവരുടെ തീരുമാനം ഏകാധിപത്യ സ്വഭാവത്തിലുള്ളതാണെന്നും ഷൂരി തുറന്നടിച്ചു.
സാമ്പത്തിക നയങ്ങള്‍ വെറും ഊഹാപോഹങ്ങളെ അടിസ്ഥാനപ്പെടുത്തിയാണ് കൈക്കൊള്ളുന്നതെന്നും സര്‍ക്കാരിന് ദീര്‍ഘവീക്ഷണമില്ലെന്നും ഷൂരി പറഞ്ഞു. എ.ബി. വാജ്‌പേയിയുടെ നേതൃത്വത്തിലുള്ള എന്‍ഡിഎ സര്‍ക്കാരില്‍ ടെലികമ്യൂണിക്കേഷന്‍സ് വകുപ്പ് കൈകാര്യം ചെയ്തിരുന്നയാളാണ് ഷൂരി. വിദേശ നയത്തില്‍ മോദി സര്‍ക്കാരിന്റെ ഇടപെടലുകളെ ഷൂരി പ്രകീര്‍ത്തിക്കുകയും ചെയ്തു. യാതൊരു സൂചനയുമില്ലാതെയോ
പ്രതിഭാ സ്പര്‍ശമോ ദീര്‍ഘവീക്ഷണമോ ഇല്ലാതെയാണ് പ്രധാനമന്ത്രിയുടെ ഓഫീസില്‍നിന്ന് തീരുമാനങ്ങള്‍ ഉണ്ടാവുന്നത്. മോദിയുടെ മൗനവും ജനങ്ങളുടെ പ്രതീക്ഷകള്‍ ഇല്ലാതാക്കുന്നവയാണെന്നും ഷൂരി കൂട്ടിച്ചേര്‍ത്തു. മോഡി സര്‍ക്കാര്‍ ഒന്നാം വാര്‍ഷികം ആഘോഷിക്കാന്‍ തയ്യാറെടുക്കുന്നതിനിടെയാണ് ഷൂരിയുടെ ഇത്തരത്തിലുള്ളൊരു പരാമര്‍ശം.
കേന്ദ്രത്തിലെ സഖ്യകക്ഷികളെ നിശബ്ദരാക്കിയാണ് മോദി സര്‍ക്കാര്‍ ഭരണം നടത്തുന്നത്. അത് മുന്നണിയെ ക്ഷയിപ്പിക്കുമെന്നു മോദിയുടെ രാഷ്ട്രീയ മാനേജ്‌മെന്റ് ശരിയല്ലെന്നും ഷൂരി വ്യക്തമാക്കി. മോഡി സര്‍ക്കാരിന്റെ ധനമന്ത്രിയാകാന്‍ ഏറ്റവും കൂടുതല്‍ സാധ്യതയുള്ള വ്യക്തിയായിരുന്നു ഷൂരി. അരുണ്‍ ജെയ്റ്റിലിയ്‌ക്കെതിരെയും ഷൂരി രൂക്ഷപരാമര്‍ശം നടത്തി. നിക്ഷേപകര്‍ക്ക് അനുകൂലമായ കാലാവസ്ഥ സൃഷ്ടിക്കാന്‍ സാധിച്ചിട്ടില്ലെന്നും നികുതി നയത്തെച്ചൊല്ലിയുള്ള സംശയങ്ങള്‍ ദൂരീകരിക്കാതെ കിടക്കുകയാണെന്നും ഷൂരി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha