ലോകത്തെ 60-70 ശതമാനം ജനങ്ങള്‍ക്ക്​ കോവിഡ്​ 19നെതിരെ വാക്​സിന്‍ നല്‍കുന്നതിന്​ രണ്ടു വര്‍ഷം കാത്തിരിക്കേണ്ടിവരുമെന്ന്​ ലോകാരോഗ്യ സംഘടനയുടെ ചീഫ്​ സയന്‍റിസ്​റ്റ്​ സൗമ്യ സ്വാമിനാഥന്‍.. നാല്‍പതോളം വാക്​സിന്‍ പരീക്ഷണങ്ങള്‍ ലോകത്തി​െന്‍റ വിവിധ ഭാഗങ്ങളിലായി നടക്കുന്നുണ്ട്​. ഇതില്‍ ഒമ്ബതെണ്ണം പരീക്ഷണത്തി​െന്‍റ രണ്ടും മൂന്നും ഘട്ടങ്ങളിലാണെന്നും ടൈംസ്​ ഓഫ്​ ഇന്ത്യക്ക്​ നല്‍കിയ അഭിമുഖത്തില്‍ വ്യക്തമാക്കി.

വാക്​സിന്‍ പരീക്ഷണത്തി​െന്‍റ അവസാന ഘട്ടത്തിലുള്ള കമ്ബനികള്‍ ഈ വര്‍ഷം അവസാനത്തിലോ 2021​െന്‍റ തുടക്കത്തിലോ ഫലം പ്രസിദ്ധപ്പെടുത്തിയേക്കും. ലോകത്തെ 60-70 ശതമാനം ജനങ്ങള്‍ക്ക്​ കോവിഡ്​ വാക്​സിന്‍ നല്‍കുകയെന്ന ലക്ഷ്യം മുന്‍നിര്‍ത്തിയാല്‍തന്നെ 2022 അവസാനിക്കുംമുമ്ബ്​ അതു സഫലമാവാന്‍ സാധ്യത കുറവാണ്​. ഇന്ത്യയിലും ലോകത്തുടനീളവും കുറഞ്ഞ വിലക്ക്​ വാക്​സിന്‍ ലഭ്യമാക്കാനാകുമെന്നാണ്​ വിശ്വാസം. ആളുകള്‍ മാസ്​ക്​ ധരിച്ചും സാമൂഹിക അകലം പാലിച്ചും കൂട്ടംകൂടാതെയും കൊറോണയെ പ്രതിരോധിക്കാനുള്ള നീക്കങ്ങളുമായി സഹകരിക്കണമെന്നും സൗമ്യ സ്വാമിനാഥന്‍ പറഞ്ഞു.