ലോക്ഡൗണ് കാലത്ത് ശമ്പളമില്ലാതായ ഇഎസ്ഐ അംഗങ്ങള്ക്കുള്ള തൊഴിലില്ലായ്മ വേതനം; ജോലിയില്നിന്നു പിരിച്ചുവിടപ്പെട്ടവര്ക്ക് മാത്രമാക്കി
ഇഎസ്ഐ അംഗങ്ങള്ക്ക് തൊഴിലില്ലായ്മ വേതനം നല്കുന്നത്, ലോക്ഡൗണ് കാലത്ത് ജോലിയില്നിന്നു പിരിച്ചുവിടപ്പെട്ട് ശമ്പളമില്ലാതായവര്ക്ക് മാത്രമാക്കി ചുരുക്കി. ജോലി നഷ്ടപ്പെട്ടവര്ക്കു നിബന്ധനകളുടെ അടിസ്ഥാനത്തില് വേതനം നല്കുന്ന അടല് ബീമിത് വ്യക്തി കല്യാണ് പദ്ധതി അടുത്ത വര്ഷം ജൂണിലേക്കു നീട്ടുകയും ചെയ്തു.
ഇഎസ്ഐ കോര്പറേഷന് ലോക്ഡൗണ് കാലയളവില് ശമ്പളം കിട്ടാത്തവര്ക്ക് തൊഴിലില്ലായ്മ വേതനം നല്കാന് തീരുമാനിച്ചിരുന്നു. ഇത് അര്ഹരുടെ അക്കൗണ്ടുകളിലേക്ക് ഇന്നലെ മുതല് നിക്ഷേപിക്കുമെന്നാണ് അറിയിച്ചിരുന്നത്. എന്നാല്, നോട്ടറി സാക്ഷ്യപ്പെടുത്തിയ രേഖകളും മറ്റുമായി ഇഎസ്ഐ ഓഫിസുകളില് അപേക്ഷ നല്കാനെത്തിയപ്പോഴാണ് ജോലി പോയവര്ക്ക് മാത്രമേ തൊഴിലില്ലായ്മ വേതനം നല്കൂവെന്ന് അധികൃതര് വ്യക്തമാക്കിയതെന്ന് അപേക്ഷകര് പറഞ്ഞു.
അതേസമയം, ബോര്ഡ് യോഗത്തില് തീരുമാനിച്ചതിനു വിരുദ്ധമാണ് ഇഎസ്ഐ നടപടിയെന്നു കാണിച്ച് ബോര്ഡ് സ്ഥിരം സമിതി അംഗവും ബിഎംഎസ് നേതാവുമായ വി.രാധാകൃഷ്ണന് കേന്ദ്ര തൊഴില്മന്ത്രി സന്തോഷ് ഗാങ്വാറിനു കത്തു നല്കിയിട്ടുണ്ട്. രേഖകള് തയാറാക്കാനും സാക്ഷ്യപ്പെടുത്തലിനും മറ്റുമായി ആയിരത്തോളം രൂപ ചെലവായതായി അപേക്ഷ നിരസിക്കപ്പെട്ട ഒരാള് പറഞ്ഞു.
ഇഎസ്ഐ ബോര്ഡ് വിജ്ഞാപനത്തില് പറഞ്ഞിരിക്കുന്നത് ലോക്ഡൗണ് കാലത്ത് തൊഴിലില്ലാതായവര്ക്ക് എന്നാണ്. പിരിച്ചുവിടപ്പെട്ടവര് മാത്രമാണു തൊഴിലില്ലാത്തവര് എന്ന നിര്വചനത്തില് വരുന്നതെന്നാണ് അധികൃതരുടെ വ്യാഖ്യാനം. ഈ വിഷയം ഇന്നു കേന്ദ്ര തൊഴില്മന്ത്രിയുമായി നടത്തുന്ന ചര്ച്ചയില് ഉന്നയിക്കുമെന്ന് എന്.കെ.പ്രേമചന്ദ്രന് എംപി പറഞ്ഞു.
തൊഴിലാളികളുടെ മക്കള്ക്ക് ഇഎസ്ഐ മെഡിക്കല് കോളജുകളിലുള്ള സംവരണം പുനഃസ്ഥാപിക്കാന് ഇഎസ്ഐ ബോര്ഡ് അനുകൂല നിലപാടെടുക്കുമെന്ന് കേന്ദ്ര തൊഴില് മന്ത്രി സന്തോഷ് ഗാങ്വാര്, ഇഎസ്ഐ ഡയറക്ടര് ജനറല് അനുരാധാ പ്രസാദ് എന്നിവര് എന്.കെ.പ്രേമചന്ദ്രന് എംപിക്ക് ഉറപ്പു നല്കി. ഇരുവരുമായി എംപി ഈ വിഷയം ചര്ച്ച ചെയ്തിരുന്നു.
കേരള ഹൈക്കോടതിയുടെ പരിഗണനയ്ക്ക് ഇന്ന് വരുന്ന വിദ്യാര്ഥികളുടെ ഹര്ജിയിലും മദ്രാസ് ഹൈക്കോടതിയില് ഈമാസം 12-നു വരുന്ന റിട്ട് അപ്പീലിലും തൊഴിലാളികളുടെ മക്കള്ക്ക് അനുകൂലമായ നിലപാട് ഇഎസ്ഐ കോര്പറേഷന് സ്വീകരിക്കുമെന്നും ഉറപ്പു ലഭിച്ചിട്ടുണ്ട്. കോടതി വിധികള് എതിരായാല് സുപ്രീംകോടതിയില് പ്രത്യേകാനുമതി ഹര്ജി നല്കുമെന്ന് ഇഎസ്ഐ ഡയറക്ടര് ജനറല് വ്യക്തമാക്കിയതായി എംപി അറിയിച്ചു.
https://www.facebook.com/Malayalivartha
