വിവാഹ ആവശ്യത്തിനായി നിര്ബന്ധിതമായോ ബലപ്രയോഗത്തിലൂടെയോ മതപരിവര്ത്തനം നടത്തുന്നത് ജാമ്യമില്ലാത്ത കുറ്റം; കുറ്റം തെളിഞ്ഞാല് അഞ്ച് മുതല് പത്ത് വര്ഷം വരെ തടവ്; ലൗ ജിഹാദിന്റെ മറവില് മതപരിവര്ത്തനം നടത്തുന്നത് തടയുന്നതിനായി യു.പി സര്ക്കാര് ഇറക്കിയ ഓര്ഡിനന്സ് മന്ത്രിസഭ അംഗീകരിച്ചു
ലൗ ജിഹാദിന്റെ മറവില് മതപരിവര്ത്തനം നടത്തുന്നത് തടയുന്നതിനായി യു.പി സര്ക്കാര് ഇറക്കിയ ഓര്ഡിനന്സ് മന്ത്രിസഭ അംഗീകരിച്ചു. ഇന്ന് ചേര്ന്ന മന്ത്രിസഭാ യോഗത്തിലാണ് ഇത് സംബന്ധിച്ച തീരുമാനമുണ്ടായത്. നൂറിലധികം ലൗജിഹാദ് കേസുകള് റിപ്പോര്ട്ട് ചെയ്തതിന്റെ അടിസ്ഥാനത്തില് ഒരു നിയമനിര്മാണം ആവശ്യമായിരുന്നുവെന്നും ക്യാബിനറ്റ് മന്ത്രി സിദ്ധാര്ത്ഥ് നാഥ് സിംഗ് പറഞ്ഞു.
ഓര്ഡിനന്സ് പ്രകാരം വിവാഹ ആവശ്യത്തിനായി നിര്ബന്ധിതമായോ ബലപ്രയോഗത്തിലൂടെയോ മതപരിവര്ത്തനം നടത്തുന്നത് കുറ്റകരമാണ്. പുതിയ നിയമപ്രകാരം ഫയല് ചെയ്യുന്ന കേസുകള്ക്ക് ജാമ്യം അനുവദിക്കില്ല. വിവാഹ ശേഷം മതപരിവര്ത്തനം നടത്താന് ആഗ്രഹിക്കുന്ന ദമ്ബതികള് രണ്ട് മാസം മുമ്ബ് ജില്ലാ മജിസ്ട്രേറ്റിനെ വിവരമറിയിക്കണമെന്നും ഓര്ഡിനന്സില് പറയുന്നു.
കുറ്റം തെളിഞ്ഞാല് ഓര്ഡിനന്സ് പ്രകാരം അഞ്ച് മുതല് പത്ത് വര്ഷം വരെ തടവോ 15000 മുതല് 20000 രൂപ വരെ പിഴയോ ലഭിക്കും. ലൗ ജിഹാദിന്റെ പേരില് നടക്കുന്ന നിയമവിരുദ്ധമായ മതപരിവര്ത്തനം തടയുന്നതിനായി ശക്തമായ നിയമനിര്മാണം നടത്തുമെന്ന് മുഖ്യമന്ത്രി യോഗി ആദിത്യനാഥ് പറഞ്ഞതിന് പിന്നാലെയാണ് മന്ത്രിസഭ ഓര്ഡിനന്സിന് അംഗീകാരം നല്കിയത്. നിര്ബന്ധിത മതപരിവര്ത്തനം തടയുകയാണ് നിയമനിര്മാണത്തിന്റെ ലക്ഷ്യമെന്നും യു.പി സര്ക്കാര് അറിയിച്ചു.
https://www.facebook.com/Malayalivartha