കൊടും ശൈത്യത്തെ നേരിടാന്‍ ഇന്ത്യന്‍ സൈനികര്‍ക്കുള്ള ധൈന്യം ചൈനീസ് സൈനികര്‍ക്കില്ലെന്ന് നേരത്തെ വിലയിരുത്തപ്പെട്ടതാണ്. ഈ സാഹചര്യത്തില്‍ ശൈത്യം വര്‍ധിക്കുമ്പോള്‍ അതിര്‍ത്തിയില്‍ നിന്നും ചൈനീസ് സൈന്യം പിന്‍വാങ്ങുമെന്നും കണക്കുകൂട്ടപ്പെട്ടിയിരുന്നു. ഇതു തന്നെയാണ് ഇപ്പോള്‍ സംഭവിച്ചിരിക്കുന്നത്. ലഡാക്ക് അതിര്‍ത്തിയിലെ കൊടുംതണുപ്പില്‍ വലഞ്ഞ് ചൈന പിന്‍മാറാന്‍ ഒരുങ്ങുന്നുവെന്ന വാര്‍ത്ത പുറത്ത് വന്നത്. ശൈത്യകാലം ആരംഭിച്ചതോടെ തണുപ്പിനോട് പൊരുതി നില്‍ക്കാന്‍ പാടുപെടുകയായിരുന്നു ചൈന. തുടര്‍ന്ന് ദിവസേന തണുപ്പ് വര്‍ദ്ധിച്ചുവന്നതോടെയാണ് സേന പിന്‍മാറാന്‍ ഒരുങ്ങുന്നത്.

ജൂണ്‍ ജൂലൈ മാസങ്ങളില്‍ ചൈനയുടെ നിരീക്ഷണ ബോട്ടുകള്‍ പാംഗോങ് തടാകത്തില്‍ സജീവമായി കാണപ്പെട്ടിരുന്നു. എന്നാല്‍ അതിര്‍ത്തിയിലെ തണുപ്പ് വര്‍ദ്ധിച്ചതോടെ ബോട്ടുകള്‍ തടാകത്തില്‍ നിന്നും അപ്രത്യക്ഷമായി. പിന്നാലെ ചൈനീസ് സേനയും അപ്രത്യക്ഷമായിരിക്കുകയാണ്. തണുപ്പിനെ പ്രതിരോധിക്കാനുള്ള സജീകരണങ്ങള്‍ ഒന്നും തന്നെ ചൈന സര്‍ക്കാര്‍ തുടക്കത്തില്‍ സൈന്യത്തിന് ഒരുക്കിക്കൊടുത്തിരുന്നില്ല. അതിന് പകരം ഡ്യൂട്ടിയിലുളള സൈനികരെ ദിവസേന മാറ്റിയാണ് പ്രശ്നം പരിഹരിച്ചിരുന്നത്. എന്നാല്‍ ശൈത്യം രൂക്ഷമായതോടെ ചൈനീസ് പീപ്പിള്‍ ലിബറേഷന്‍ ആര്‍മി സജീകരണങ്ങള്‍ തയ്യാറാക്കി. പക്ഷേ ഇന്ത്യയിലെ തണുപ്പിനെ നേരിടാന്‍ ചൈനയ്ക്കായില്ല.

ടിബറ്റ് സമീപത്തുള്ള പാംഗോങ് തടാകത്തിന്റെ രണ്ട് ഭാഗങ്ങളും മഞ്ഞുപാളിയായി മാറിയിരിക്കുരകയാണ്. ഈ സാഹചര്യം നേരിട്ട് പരിചയമില്ലാത്ത ചൈനീസ് സേന പിന്‍മാറിയിരിക്കുകയാണ്. അതിര്‍ത്തിയിലെ തണുപ്പ് മൈനസ് 20-30 ഡിഗ്രി സെല്‍ഷ്യസ് വരെ കുറഞ്ഞിരുന്നു. ഈ സാഹചര്യങ്ങല്‍ ഇന്ത്യന്‍ നേരിട്ട് പരിചയമുള്ളതിനാല്‍ തിരിച്ചടിയായില്ല. സമുദ്രനിരപ്പില്‍ നിന്നും 15000 അടി ഉയരത്തിലാണ് ഇന്ത്യ-ചൈന സംഘര്‍ഷം നടന്നത്. സമുദ്ര നിരപ്പില്‍ നിന്നും 22,000 അടി ഉയരത്തില്‍ പാകിസ്താന്‍ സൈന്യത്തെയും ഇന്ത്യ നേരിട്ടുകൊണ്ടിരിക്കുകയാണ്.