സര്ക്കാരിന് കാതടപ്പിക്കുന്ന നിശബ്ദത; വിമർശനവുമായി കോണ്ഗ്രസ് അധ്യക്ഷ സോണിയ ഗാന്ധി
പുല്വാമ ആക്രമണത്തിലെ നിര്ണായക വിഷയങ്ങള് റിപ്പബ്ലിക്ക് ടി.വി മേധാവി അര്ണബ് ഗോസ്വാമിക്ക് നേരത്തേ അറിവുണ്ടായിരുന്നു എന്നത് വിവാദമായ കാര്യമായിരുന്നു. ഇപ്പോൾ ഈ വിഷയത്തിൽ സർക്കാരിനെതിരെ സോണിയ ഗാന്ധി . അര്ണബ് ഗോസ്വാമിക്ക് നേരത്തേ അറിവുണ്ടായിരുന്നു എന്ന് തെളിയിക്കുന്ന വാട്സ്ആപ്പ് ചാറ്റുകള് ചോര്ന്ന സംഭവത്തില് സര്ക്കാരിന് കാതടപ്പിക്കുന്ന നിശബ്ദതയാണെന്നാരോപിച്ച് കോണ്ഗ്രസ് അധ്യക്ഷ സോണിയ ഗാന്ധി.
ദേശീയ സുരക്ഷയുടെ കാര്യത്തില് സര്ക്കാര് വലിയ വിട്ടുവീഴ്ചയാണ് ചെയ്തതെന്നും സോണിയ ഗാന്ധി കുറ്റപ്പെടുത്തി .കോണ്ഗ്രസ് വര്ക്കിംഗ് കമ്മിറ്റി യോഗത്തില് ഉദ്ഘാടന പ്രസംഗം നടത്തുകയായിരുന്നു സോണിയ. രാജ്യ തലസ്ഥാനത്ത് കര്ഷകര് നടത്തുന്ന സമരത്തില് കേന്ദ്ര സര്ക്കാര് പുലര്ത്തുന്ന നിര്വികാരതയും ധാര്ഷ്ട്യവും ഞെട്ടിക്കുന്നതാണെന്നും സോണിയ ഗാന്ധി ആരോപിച്ചു. ദേശീയ സുരക്ഷകാര്യത്തില് വിട്ടുവീഴ്ച ചെയ്യപ്പെടുന്ന വാര്ത്തകള് അടുത്തിടെ കേള്ക്കുന്നുണ്ട് . ഏതാനും ദിവസങ്ങള്ക്ക് മുമ്ബ് സൈനിക നടപടികളുടെ ഔദ്യോഗിക രഹസ്യങ്ങള് ചോര്ത്തുന്നത് രാജ്യദ്രോഹമാണെന്ന് മുന് പ്രതിരോധ മന്ത്രി എ.കെ ആന്റണി പറഞ്ഞിരുന്നു. എന്നിട്ടും ഇക്കാര്യങ്ങളില് സര്ക്കാരിന്റെ ഭാഗത്തുനിന്നുള്ള നിശബ്ദത കാതടപ്പിക്കുന്നതാണ്. സോണിയ പറഞ്ഞു.
https://www.facebook.com/Malayalivartha