കര്‍ഷക നേതാക്കളെ വെടിവെയ്ക്കാന്‍ അക്രമിയെത്തിയെന്ന് ആരോപണവുമായി നേതാക്കള്‍. വെടിവയ്ക്കാന്‍ പദ്ധതിയിട്ടെത്തിയെന്ന് ആരോപിക്കപ്പെടുന്ന വ്യക്തിയെ മാദ്ധ്യമങ്ങള്‍ക്ക് മുന്നില്‍ കര്‍ഷക നേതാക്കള്‍ ഹാജരാക്കി. ഇതിന് ശേഷം ഇയാളെ പൊലീസിന് കൈമാറി. ഇതുമായി ബന്ധപ്പെട്ട കൂടുതല്‍ വിവരങ്ങള്‍ പുറത്തുവന്നിട്ടില്ല.

നേരത്തെ കേന്ദ്ര സര്‍ക്കാരും കര്‍ഷക സംഘടനകളും നടത്തുന്ന പതിനൊന്നാം വട്ട ചര്‍ച്ചയും പരാജയപ്പെട്ടിരുന്നു.കാര്‍ഷിക നിയമങ്ങളില്‍ അപാകതയില്ലെന്നും നിയമം പിന്‍വലിക്കില്ലെന്നും കേന്ദ്രം വ്യക്തമാക്കിയതോടെയാണ് ചര്‍ച്ച അലസിപിരിഞ്ഞത്. ജനുവരി 26നുള്ള ട്രാക്ടര്‍ റാലിയുമായി കര്‍ഷകര്‍ മുന്നോട്ടുപോകുമെന്നും അറിയിച്ചിട്ടുണ്ട്.