കാര്ഷിക നിയമങ്ങള് റദ്ദാക്കണമെന്നാവശ്യപ്പെട്ടുള്ള കര്ഷകരുടെ ചരിത്രപരമായ കിസാന് പരേഡ് ഇന്ന് നടക്കും... പരേഡില് പങ്കെടുക്കുന്നതിന് രാജസ്ഥാന്, ഹരിയാന, പഞ്ചാബ്, ഉത്തരാഖണ്ഡ്, യു.പി സംസ്ഥാനങ്ങളില് നിന്ന് കര്ഷകര് നൂറുകണക്കിന് ട്രാക്ടറുകളില് ഡല്ഹി അതിര്ത്തിയിലെത്തി, ഉച്ചയ്ക്ക് ഔദ്യോഗിക റിപ്പബ്ലിക് ദിന പരേഡിന് ശേഷമാണ് ട്രാക്ടര് റാലി
കാര്ഷിക നിയമങ്ങള് റദ്ദാക്കണമെന്നാവശ്യപ്പെട്ടുള്ള കര്ഷകരുടെ ചരിത്രപരമായ കിസാന് പരേഡ് ഇന്ന് നടക്കും. പരേഡില് പങ്കെടുക്കുന്നതിന് രാജസ്ഥാന്, ഹരിയാന, പഞ്ചാബ്, ഉത്തരാഖണ്ഡ്, യു.പി സംസ്ഥാനങ്ങളില് നിന്ന് കര്ഷകര് നൂറുകണക്കിന് ട്രാക്ടറുകളില് ഡല്ഹി അതിര്ത്തിയിലെത്തി.
സിംഘു, തിക്രി, ഗാസിപ്പുര്, ഷാജഹാന്പ്പുര്, പല്വല് എന്നീ അതിര്ത്തികളില് നിന്നാണ് പരേഡ് തുടങ്ങുക. ഉച്ചയ്ക്ക് ഔദ്യോഗിക റിപ്പബ്ലിക് ദിന പരേഡിന് ശേഷമാണ് ട്രാക്ടര് റാലി. രാജ്യവ്യാപകമായും കിസാന്പരേഡുണ്ടാകും.ഇന്ന് നടക്കുന്ന ട്രാക്ടര് റാലിയില് രണ്ടുലക്ഷത്തിലേറെ പേര് പങ്കാളികളാകുമെന്നാണ് കര്ഷകനേതാക്കള് അറിയിച്ചത്.
ലക്ഷത്തിലധികം ട്രാക്ടറുകളും അണിനിരക്കും. പത്ത് കേന്ദ്രപ്രതിപക്ഷ ട്രേഡ് യൂണിയനുകളും ഇടത് പാര്ട്ടികളും ട്രാക്ടര് റാലിയെ പിന്തുണയ്ക്കുന്നുണ്ട്.സിംഘു തിക്രി, ഗാസിപ്പുര് എന്നിവിടങ്ങളില് നിന്നുള്ള പരേഡുകള് ഡല്ഹി നഗരത്തിനുള്ളില് പ്രവേശിക്കും. ഷാജഹാന്പ്പുരില് നിന്നുള്ള റാലി മനേസര് വഴി ഗുഡ്ഗാവ് വരെയും പല്വലില് നിന്നുള്ള റാലി ഡല്ഹി അതിര്ത്തിയിലെ ബദര്പ്പുരിലുമെത്തും.
സിംഘു, തിക്രി എന്നിവിടങ്ങളില് നിന്നുള്ള പരേഡുകള് 60 കിലോമീറ്ററിലേറെ ഡല്ഹിയ്ക്കുള്ളില് പ്രവേശിക്കും. നിശ്ചലദൃശ്യങ്ങളും വിവിധ സംസ്ഥാനങ്ങളില് നിന്നുള്ള കലാരൂപങ്ങളും പരേഡിന്റെ ഭാഗമാകും. തികച്ചും സമാധാനപൂര്ണമായിരിക്കും റാലിയെന്ന് കര്ഷകസംഘടനകള് അറിയിച്ചു.
അതേസമയം നിയമങ്ങള് മരവിപ്പിക്കാമെന്ന ഏറ്റവും മികച്ച വാഗ്ദാനമാണ് സമരക്കാര്ക്ക് പരസ്പരം ചര്ച്ച ചെയ്ത് സമരക്കാര് തീരുമാനമറിയിക്കുമെന്നു കരുതുന്നതായും കേന്ദ്രകൃഷി മന്ത്രി നരേന്ദ്രസിംഗ് തോമര് അറിയിച്ചു. അതിന് ശേഷം വീണ്ടും ചര്ച്ചനടക്കും.
"
https://www.facebook.com/Malayalivartha