മുട്ട നിരോധനവുമായി മധ്യപ്രദേശ്, അംഗണവാടികളിലും മറ്റും പുഴുങ്ങിയ മുട്ടയും മുട്ടക്കറിയും വിതരണം ചെയ്യേണ്ടെന്ന് ശിവരാജ് ചൗഹാന്
കേന്ദ്ര സര്ക്കാര് ബീഫ് നിരോധിക്കുന്നതിന്റെ ആലോചനയിലാണിപ്പോള്. ബീഫ് നിരോധിക്കുന്നതുമായി ബന്ധപ്പെട്ട് നിരവധി എതിര്പ്പുകളും വിവാദങ്ങളും വന്ന് കൊണ്ടിരിക്കുകയാണ്. എന്നാല് ബീഫ് നിരോധിക്കുന്നതിന്റെ വിവാദങ്ങള് തീരുന്നതിന് മുമ്പ് ഇതാ മറ്റൊരു നിരോധനവുമായി മധ്യപ്രദേശ് സര്ക്കാര് രംഗത്തെത്തിയിരിക്കുകയാണ്. മധ്യപ്രദേശ് സര്ക്കാര് മുട്ടയ്ക്ക് നിരോധനമേര്പ്പെടുത്താന് തീരുമാനിച്ചു. അംഗണവാടികളിലും മറ്റും പുഴുങ്ങിയ മുട്ടയും മുട്ടക്കറിയും വിതരണം ചെയ്യേണ്ടെന്നാണ് മുഖ്യമന്ത്രി ശിവരാജ് ചൗഹാന് ഇപ്പോള് ഉത്തരവിട്ടിരിക്കുന്നത്.
സംസ്ഥാനത്തെ വിവിധ ഗോത്ര വിഭാഗക്കാര് ഈ തീരുമാനത്തിനെതിരെ പ്രതിഷേധവുമായി രംഗത്തുവന്നിട്ടുണ്ട്. ഇന്റഗ്രേറ്റഡ് ചൈല്ഡ് ഡവലപ്പ്മെന്റ് സര്വീസസിന്റെ ഭാഗമായി അംഗണവാടികളിലെ മൂന്നുമുതല് ആറുവരെ പ്രായമുള്ള കുട്ടികള്ക്ക് മുട്ടയടങ്ങിയ പ്രഭാതഭക്ഷണം നല്കുന്ന നിര്ദ്ദേശം സംസ്ഥാനത്തെ ശിശുവികസന വകുപ്പ് മുന്നോട്ടുവച്ചിരുന്നു. അതില്നിന്ന് മുട്ട ഒഴിവാക്കാനാണ് മുഖ്യമന്ത്രി നിര്ദ്ദേശിച്ചിരിക്കുന്നത്. എന്നാല്, ആദിവാസി മേഖലകളില് മുട്ടയ്ക്ക് ഏര്പ്പെടുത്തിയ നിരോധനം വ്യാപകമായ പ്രതിഷേധത്തിന് ഇടയാക്കിയിട്ടുണ്ട്.
ബീഫ് നിരോധനം ഏര്പ്പെടുത്തിയ മഹാരാഷ്ട്രയില്പ്പോലും ആരും മുട്ട കഴിക്കുന്നതിനോട് ഇതേവരെ എതിര്പ്പ് പ്രകടിപ്പിച്ചിട്ടില്ല. പക്ഷേ പൂര്ണ സസ്യഭുക്കായ മുഖ്യമന്ത്രി ചൗഹാന് ഒരു പടി കൂടി കടന്ന് കടുത്ത തീരുമാനത്തിന് തയ്യാറാവുകയായിരുന്നു. മുട്ടക്ക് പകരം പാലും പഴങ്ങളും കുട്ടികള്ക്ക് നല്കണമെന്ന നിലപാടിലാണ് ചൗഹാന്. എന്നാല് മുട്ട നല്കുന്നതിനെതിരേയുള്ള ഈ നിലപാടിനോട് എതിര്പ്പ് കാണിച്ച് കോണ്ഗ്രസും, സി.പി എമ്മും മുന്നോട്ടെത്തി.
ബിജെപി. സര്ക്കാര് ഓരോ ദിവസവും ജനങ്ങളുടെ ഓരോ തരത്തിലുള്ള അവകാശങ്ങള് കവര്ന്നെടുക്കുകയാണെന്ന് സി.പി. എം പോളിറ്റ് ബ്യൂറോ അംഗം ഹനന്മുള്ള പറഞ്ഞു. ബീഫ് നിരോധനത്തിന് പിന്നാലെ മുട്ടയ്ക്കും നിരോധനം കൊണ്ടുവരാനാണ് ബി.ജെ പി ശ്രമിക്കുന്നതെന്ന് കോണ്ഗ്രസ് വക്താവ് ടോം വടക്കന് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha