ജീവനക്കാരുടെ ഡ്രസ് കോഡ് ഔട്ടാക്കി ഇന്ഫോസിസ്: ഇനി കാഷ്വല്സുമാകാം
ജീവനക്കാര്ക്ക് ആശ്വാസത്തിനുള്ള വക നല്കി ഇന്ഫോസിസ് അധികൃതര്. പഴയപോലെ ടൈയും കെട്ടി ഇന്സേര്ട്ടും ചെയ്ത് വീര്പ്പുമുട്ടി ഇരുന്ന് ജോലി ചെയ്യേണ്ട കാലം അസ്തമിച്ചു. കമ്പനി സിഇഒ വിശാല് സിക്ക തന്നെ കഴിഞ്ഞദിവസം ഓഫീസില് വന്നത് കാഷ്വല്സ് ധരിച്ചാണ്. ഇത് ജീവനക്കാര്ക്ക് ആവേശമായി.
തിങ്കളാഴ്ച മുതല് വ്യാഴാഴ്ചവരെ ഫോര്മല് വസ്ത്രമണിഞ്ഞുവേണം ജോലിക്കെത്താന് എന്നതായിരുന്നു വര്ഷങ്ങളായി കമ്പനിയിലെ വ്യവസ്ഥ. യുവാക്കളും യുവതികളുമടങ്ങുന്ന ജീവനക്കാര്, കടുത്ത ഡ്രസ് കോഡില് തീര്ത്തും ശ്വാസം മുട്ടിയാണ് ജോലി ചെയ്തിരുന്നത്. ഇതിനൊരു മാറ്റം വരുത്തുന്നതിനാണ് കമ്പനി സിഇഒ വിശാല് സിക്ക ഡ്രസ് കോഡില് കാതലായ മാറ്റം വരുത്താന് തയ്യാറായത്.
ഇന്ഫോസിസിന്റെ ബംഗളൂരു കാമ്പസ്സിലാണ് ഡ്രസ് കോഡ് റദ്ദാക്കിയത്. ജീവനക്കാര്ക്ക് ഇനി ഇഷ്ടമുള്ള വസ്ത്രം ധരിച്ച് ഓഫീസിലെത്താം. എന്നുവച്ച് ഇന്ഫോസിസിന്റെ മാന്യതയ്ക്ക് നിരക്കുന്നതാവണം വസ്ത്രരീതിയെന്ന നിഷ്കര്ഷയുണ്ട്. കണ്ടാല് അല്പം വൃത്തി വേണം.
യുവാക്കളില് പലരും ഇഷ്ട ടീമിന്റെ ജേഴ്സിയണിഞ്ഞും യുവതികള് നിറപ്പകിട്ടാര്ന്ന വസ്ത്രങ്ങള് ധരിച്ചും ജോലിക്കെത്തി. ഡ്രസ് കോഡ് ഒഴിവാക്കണമെന്നത് ജീവനക്കാരുടെ ഏറെക്കാലമായുള്ള ആവശ്യമായിരുന്നുവെന്ന് ഇന്ഫോസിസ് എച്ച്ആര് വൈസ് പ്രസിഡന്റ് റിച്ചാര്ഡ് ലോബോ പറഞ്ഞു.
ജീവനക്കാരുടെയും മാനേജ്മെന്റിന്റെയും പ്രതിനിധികള് ഒരുമിച്ചിരുന്ന് ആലോചിച്ചാണ് ഈ തീരുമാനമെടുത്തത്. കാഷ്വല് വസ്ത്രങ്ങളിലേക്ക് മാറുമ്പോള് എത്രത്തോളം ഇളവുകളാവാം എന്ന കാര്യം തീരുമാനിക്കപ്പെട്ടു. ഇതനുസരിച്ചാണ് ആഴ്ച മുഴുവന് ടി ഷര്ട്ടും ജീന്സും ധരിക്കാമെന്ന നിര്ദ്ദേശമായത്. ജീവനക്കാരുടെ കാലങ്ങളായുള്ള ആവശ്യം അംഗീകരിക്കുന്നതില് കമ്പനിക്കും താത്പര്യമുണ്ടെന്ന് ലോബോ പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha