ഒരു പ്രത്യേക വിഭാഗത്തിന്റെ പ്രത്യയശാസ്ത്രത്തിലൂന്നി മാത്രം മുന്നോട്ടു പോകുന്ന ഭരണം രാജ്യത്തെ അപകടത്തിലേക്ക് നയിക്കില്ലെന്ന് കരുതാനാവില്ലെന്ന് കോണ്‍ഗ്രസ് വൈസ് പ്രസിഡന്റ് രാഹുല്‍ഗാന്ധി പ്രസ്താവിച്ചു. ഡോ.ബി.ആര്‍ അംബേദ്ക്കര്‍ ആര്‍ക്കെതിരെ പൊരുതിയിരുന്നോ അവരുടെ അടിത്തറ ശക്തിപ്പെടുത്താന്‍ പലപ്പോഴും ഇത്തരം ശക്തികള്‍ ശ്രമം നടത്തിയിട്ടുണ്ട്.
ഇവര്‍ സ്വന്തം നയങ്ങളിലൂടെ ഒരാളെ മറ്റൊരാള്‍ക്കെതിരെ തിരിച്ച് ഇന്ത്യയുടെ അഖണ്ഡതയെ തകര്‍ക്കാനാണ്ശ്രമിക്കുന്നത്. ഒരു പ്രത്യേക വിഭാഗത്തിലേക്കൊതുങ്ങുന്ന അധികാരം ജാതീയതയെ ശക്തിപ്പെടുത്തുകയാണ്. ഇതിനെതിരെയുള്ള പോരാട്ടം അത്ര എളുപ്പവുമല്ലെന്ന് ബി.ജെ.പിയെ പരോക്ഷമായി വിമര്‍ശിച്ചുകൊണ്ട് അദ്ദേഹം പറഞ്ഞു.
അംബേദ്ക്കറുടെ സ്വപ്നം ഇനിയും പൂര്‍ത്തീകരിക്കപ്പെട്ടില്ലെന്നത് സമൂഹത്തിന് വെല്ലുവിളി ഉയര്‍ത്തുകയാണ്. ജാതിക്ക് രാജ്യം നല്‍കുന്ന പ്രാധാന്യം ഇന്നും തുടരുകയാണ്. കഴിഞ്ഞ നൂറ്റാണ്ടില്‍ തന്നെ ആയിരക്കണക്കിന് വര്‍ഷം പഴക്കമുള്ള ജാതിവ്യവസ്ഥയെ തന്റെ ചിന്തകള്‍ കൊണ്ട് തകര്‍ക്കാന്‍ അദ്ദേഹത്തിന്റെ ശ്രമങ്ങള്‍ക്ക് സാധിച്ചു.
അദ്ദേഹത്തിന്റെ സംഭാവനകള്‍ ഒരു സമുദായത്തിനോ ഒരു രാജ്യത്തോ മാത്രം ഒതുങ്ങുന്നതായിരുന്നില്ല. ദളിതര്‍ക്കുവേണ്ടി പ്രവര്‍ത്തിക്കുമ്പോഴും ദളിതരില്‍ ഒതുങ്ങിയിരുന്നില്ല അദ്ദേഹം. രാജ്യത്തെ അടിച്ചമര്‍ത്തപ്പെട്ടവരുടെ പ്രതിഷേധത്തിന്റെ ചിഹ്നമായിരുന്നു അംബേദ്ക്കറെന്ന് അദ്ദേഹം കൂട്ടിച്ചേര്‍ത്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha