രാഷ്ട്രീയ എതിര്‍പ്പുകളുടെ പേരില്‍ വിഴിഞ്ഞം തുറമുഖ പദ്ധതി നഷ്ടപ്പെടുത്തരുതെന്ന് കേരളത്തോട് കേന്ദ്ര ഷിപ്പിംഗ് മന്ത്രി നിതിന്‍ ഗഡ്കരി പറഞ്ഞു. രാഷ്ട്രീയ വിവാദങ്ങളില്‍പ്പെട്ട് പദ്ധതി വൈകിയാല്‍ കേന്ദ്ര സര്‍ക്കാര്‍ മറ്റു വഴികള്‍ തേടുമെന്നും മന്ത്രി മുന്നറിയിപ്പ് നല്‍കി.
പദ്ധതി വേണമോ, വേണ്ടയോ എന്ന് തീരുമാനിക്കേണ്ടത് സംസ്ഥാന സര്‍ക്കാരും കേരളത്തിലെ രാഷ്ട്രീയ പാര്‍ട്ടികളുമാണ്. രാഷ്ട്രീയത്തര്‍ക്കങ്ങളില്‍പ്പെട്ട് പദ്ധതി വൈകിയാല്‍ അത് കേരളത്തിന് മാത്രമല്ല, രാജ്യത്തിന് കൂടിയാണ് നഷ്ടം. തുറമുഖ പദ്ധതിക്ക് കബോട്ടാഷ് നിയമത്തില്‍ ഇളവു നല്‍കുന്ന കാര്യത്തില്‍ തീരുമാനം കൈക്കൊള്ളേണ്ടത് പ്രധാനമന്ത്രിയാണെന്നും ഗഡ്കരി ചൂണ്ടിക്കാട്ടി. കേരളത്തിലെ രാഷ്ട്രീയ സാഹചര്യങ്ങള്‍ കാരണമാണ് സ്വകാര്യ സംരംഭകര്‍ സംസ്ഥാനത്ത് നിക്ഷേപം നടത്താത്തതെന്നും അദ്ദേഹം കൂട്ടിച്ചേര്‍ത്തു.
അതേസമയം തുറമുഖ നിര്‍മ്മാണം സ്വകാര്യകമ്പനിയെ ഏല്‍പ്പിക്കുന്നത് രാജ്യസുരക്ഷയെ ബാധിക്കുമെന്ന് സി.പി.എം ജനറല്‍ സെക്രട്ടറി സീതാറാം യെച്ചൂരി പറഞ്ഞു. തുറമുഖ നിര്‍മാണം പൊതുമേഖലയിലെ കമ്പനിക്ക് കൈമാറണമെന്നും യെച്ചൂരി കേന്ദ്രസംസ്ഥാന സര്‍ക്കാരുകളോട് ആവശ്യപ്പെട്ടു. പൊതുസ്വകാര്യ പങ്കാളിത്തത്തോടെയുള്ള പദ്ധതികളെ കുറിച്ച് ഇതിനോടകം തന്നെ സംശയങ്ങള്‍ ഉയര്‍ന്നിട്ടുണ്ടെന്നും അദ്ദേഹം പറഞ്ഞു.
വിഴിഞ്ഞം തുറമുഖ പദ്ധതി മൊത്തമായി അദാനിയെ ഏല്‍പ്പിക്കുന്നതില്‍ എതിര്‍പ്പു പ്രകടിപ്പിച്ചുകൊണ്ട് സിപിഎം രംഗത്ത് വന്നിരുന്നു. പ്രതിപക്ഷ നേതാവ് വിഎസ് അച്യുതാനന്ദനും പദ്ധതിക്കെതിരെ രൂക്ഷ വിമര്‍ശനമാണ് നടത്തിയത്. കേരള സര്‍ക്കാര്‍ വിഴിഞ്ഞം പദ്ധതി അദാനിക്ക തീറെവുതുകയാണെന്നാണ് അദ്ദേഹം ആരോപ്പിച്ചത്. എന്നാല്‍ പ്രതിപക്ഷത്തെ വിശ്വാസ്യത്തിലെടുത്തേ പദ്ധതിയുമായി മുന്നോട്ട് പോകുവെന്നാണ് മുഖ്യമന്ത്രി ഉമ്മന്‍ചാണ്ടി പറഞ്ഞത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha