ഭക്ഷണം വിളമ്പാന്‍ വൈകിയതിന് മദ്യപാനിയായ മകന്‍ അമ്മയെ കൊലപ്പെടുത്തിയാതായി റിപ്പോർട്ട്. ജാര്‍ഖണ്ഡിലെ വെസ്റ്റ്​ സിംഗ്ഭും ജില്ലയിലെ ചൈബാസയിലെ മനോഹര്‍പൂര്‍ ബ്ലോക്ക്​ പ്രദേശത്തെ ജോജോഗട്ടു ഗ്രാമത്തിലാണ്​ ഇത്തരത്തിൽ ദാരുണമായ സംഭവം നടന്നിരിക്കുന്നത്. മദ്യലഹരിയിലായിരുന്ന 35കാരനായ പ്രധാന്‍ സോയിയായ്​ പ്രതിയെന്ന്​ പൊലീസ് വെളിപ്പെടുത്തി.

'ഞങ്ങള്‍ സംഭവ സ്ഥലത്തെത്തിയപ്പോള്‍ അമ്മയെ കൊലപ്പെടുത്തിയ ശേഷം പ്രതി മൃതദേഹം മുറ്റത്ത് സംസ്​കരിക്കാന്‍ ശ്രമിക്കുകയായിരുന്നു. ചോദ്യം ചെയ്യലില്‍ പ്രതി കുറ്റം സമ്മതിച്ചു. വെള്ളിയാഴ്ച രാത്രി മദ്യപിച്ച്‌ വീട്ടിലെത്തിയ ഇയാള്‍ അമ്മയോട് ഭക്ഷണം ആവശ്യപ്പെട്ടു. ഭക്ഷണം വിളമ്ബാന്‍ വൈകിയതോടെ വടിയെടുത്ത് അടിച്ച്‌ കൊലപ്പെടുത്തുകയായിരുന്നുവെന്നാണ്​ പ്രധാന്‍ പറയുന്നത്​' - എന്നും മനോഹര്‍പൂര്‍ എസ്​.ഡി.പി.ഒ വിമലേഷ് ത്രിപാഠി പറഞ്ഞു. പ്രതിയെ പൊലീസ്​ ഇതിനോടകം തന്നെ അറസ്റ്റ്​ ചെയ്​തിട്ടുണ്ട്​. കേസില്‍ അന്വേഷണം പുരോഗമിക്കുന്നു.